Ribadeo, 31 de agosto de 2021. Este domingo, 5 de setembro, celébrase no estadio municipal Pepe Barrera o Trofeo Acisa Festas Patronais entre o Ribadeo FC e o Viveiro CF, que servirá para conmemorar estas datas tan especiais. O evento esta organizado polo Ribadeo FC xunto con Acisa. O derbi mariñá terá lugar as 18:00 horas.
O xerente de Acisa, Jesús Pérez, anunciou que “este domingo, 5 de setembro, temos todos unha cita co fútbol as 18:00 horas para ver o derbi mariñá que disputarán o Ribadeo FC. e o Viveiro CF no estadio municipal Pepe Barrera. A apertura de billeteiras será as 16:30 horas e a entrada terá un custe de 8 euros”.
Pérez Prada dixo: “queremos dende Acisa agradecer ao Ribadeo FC que pensara en nos para poder levar acabo este trofeo especial, conmemorativo das festas patronais da vila, que como é sabido non se van poder celebrar como de costume por mor da pandemia. Dende Acisa pareceunos unha boa iniciativa, non so como recordo das festas, se non como un evento que pode xerar ese dia un interesante movemento económico, xa que un Ribadeo-Viveiro, sempre foi un partido que mobiliza ambas afeccións. Tamén agradecer ao Concello de Ribadeo como patrocinador polos seus traballos de mantemento do campo. Os trofeos a entregar serán da colección da nosa asociación deseñados por Sargadelos ”.
Pola súa banda o presidente de Acisa, Francisco Iriarte, indicou que “a dito evento están invitados a asistir as principais autoridades locais. Esperamos poder encher o estadio de afeccionados de ambos equipos, dentro do aforo permitido. Trátase dun domingo as seis da tarde polo que para os nosos veciños e veciñas de Viveiro é unha oportunidade de vir pola maña, desfrutar dos nosos comercios abertos, saborear a nosa gastronomía comendo nalgún dos nosos restaurantes, dar un paseo vendo Ribadeo ou incluso poden realizar algunha das actividades enmarcadas no Ribadeo4x4, coorganizado co Concello no marco do SetembroXNatural, e as 18:00 horas achegarse e vibrar co mellor fútbol. E se aínda teñen tempo desfrutar da nosa hostaleira tomando algo para celebrar o resultado e quizais quedarse a cenar”.
O xerente de Acisa agradece “ao CCH de Viveiro a súa colaboración na visibilización deste evento, xa que tanto Acisa como a asociación viveirense imos sortear tres entradas a través das nosas redes, así que moi atentos todos e todas a elas”.
I TRIANGULAR ACISA RIBADEO
Francisco Iriarte engadiu que “a pasada fin de semana Acisa colaborou noutro evento deportivo, o I Triangular Acisa, que foi organizado pola SD Ribadeo, á que lles queremos dar as grazas por pensar en nos para este evento, especialmente á súa presidenta. Pouco a pouco recuperamos a normalidade e pouco a pouco pódense celebrar diferentes eventos, que son sen dúbida motor xerador de actividade económica para a nosa vila”. Jesús Pérez foi o encargado de entregar os premios xunto á presidenta da SD Ribadeo, Sandra Nonide.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
