Foz, 2 de setembro, 2021. O día 11 de setembro terá lugar, nos arredores do Oca Hotel de Foz, A ‘Milla Urbana e Relevos Challenge’. Esta proba, con vontade de asentarse no calendario atlético mariñao, está organizada pola Run Foz Run e o Club de Atletismo ‘Ría de Foz’.
Co bo sabor de boca que nos deixou a ‘XII Run Foz Run’, e seguindo a liña activa do noso Club, temos unha nova cita co atletismo na nosa vila. Regresa a Foz a Milla Urbana e faino cun novo circuíto e con moitas novidades. Esta proba está pensada para todos os públicos e idades (categorías: pícaros, benxamín, alevín, infantil, cadete e absoluta). Este ano, ademais, como novidade, a Milla Urbana complementarase co Relevos Challenge. Este evento realizarase en horario de tarde, o propio día 11, e está pensado para a categoría absoluta. As persoas interesadas deben conformar un equipo (máximo 10 persoas) onde cada relevista debe correr, en quendas de 30 minutos, nun circuíto pechado de 1500m. Gañará o equipo que maior número de voltas sexa quen de completar ao longo desas 5 horas. Cada equipo contará cun espazo propio para que os atletas convivan entre si e organicen a súa estratexia de carreira. Os tres mellores equipos levarán o seu merecido premio.
A presentación pública da ‘Milla Urbana e Relevos Challenge’ contou coa presenza de Francisco Cajoto (Alcalde do Concello de Foz), de Iago Villamil (concelleiro), de Manolo Cadramón (Xefe do Servizo Provincial de Deportes da Xunta de Galicia), de José Carlos Paleo (Presidente do CCA de Foz) e unha representación da Directiva do Club de Atletismo ‘Ría de Foz’ (Manuel Eiras, Rosalía Rodríguez e Marcos Loureiro).
Desde a Run Foz Run e o Club de Atletismo ‘Ría de Foz’ agradecen, ademais, a colaboración e a implicación de todos os locais comerciais de Foz para que eventos coma este se poidan realizar.
As inscricións da carreira (prazas limitadas) seguen abertas na web de ChampionChip Norte.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
