Lugo, 27 de setembro de 2021. O vicepresidente económico e conselleiro de Economía, Empresa e Innovación, Francisco Conde, reiterou hoxe o ofrecemento da Xunta de Galicia a colaborar co Goberno na busca dunha solución para Vestas para abordar conxuntamente o proceso de negociacións do ERE e, a partir de aí, traballar tamén sobre o futuro industrial e o mantemento do emprego. A ese respecto, anunciou o acordo durante o encontro de constituír unha mesa industrial entre os sindicatos, o comité de empresa, o Goberno central –a través do Ministerio de Industria e o Ministerio para a Transición Ecolóxica– e a propia Xunta de Galicia para “identificar posibles solucións que permitan o obxectivo compartido que é manter o emprego”, asegurou.
A tal efecto, a Administración autonómica e os traballadores trasladaranlle esta idea por carta ao Executivo central para que poida identificar tamén as oportunidades e traballar así conxuntamente na busca de solucións.
Durante o encontro celebrado esta tarde en Lugo co comité de empresa da factoría de Viveiro, ao que tamén asistiu a conselleira de Emprego e Igualdade, María Jesús Lorenzana, o Executivo galego reiterou aos traballadores que seguirá estando en todo momento ao seu lado para exixir alternativas á empresa, que ten que reconsiderar a súa postura totalmente ilóxica e incoherente. Neste sentido, a autoridade laboral, ao igual que fixo no caso de Alcoa, velará por que os dereitos dos traballadores sexan respectados durante todo o proceso.
Así, a conselleira de Emprego e Igualdade, María Jesús Lorenzana, comprometeuse a remitir hoxe mesmo unha carta á empresa instándoa a pospoñer o inicio formal do ERE para buscar solucións que garantan o emprego da mesa industrial recentemente constituída.
Conde, que manifestou o contacto da Xunta de Galicia con todas as partes implicadas no proceso, recoñeceu que, en pleno auxe das enerxías renovables, o anuncio da empresa non se entende; polo que queda en evidencia que Vestas non ten argumentos que sosteñan a súa decisión.
“Estamos ante unha situación totalmente inxusta de cara aos traballadores. Non é posible explicar a decisión da empresa nun contexto de transición enerxética e onde haberá oportunidades para desenvolver proxectos eólicos e, polo tanto, para que desde a industria se poida dar esa resposta”, manifestou o vicepresidente económico, ao mesmo tempo que indicou que a decisión de Vestas “parece máis unha escusa que unha realidade”.
Así, para a Xunta a solución pasa por un cambio de actitude do Goberno e no que aposte realmente por unha transición enerxética compatible co mantemento da actividade económica e do emprego; é dicir, xeradora de novas oportunidades. Neste sentido, o vicepresidente económico pediulle ao Executivo central que se comprometa ao cento por cento, unha verdadeira implicación que hoxe volveu quedar en cuestión ao non acudir o Ministerio de Industria a este encontro cos traballadores.
“A transición enerxética nestes momentos, tal e como está deseñada por parte de Goberno, está a ter un impacto no eido industrial, hai un desmantelamento de empresas vinculadas ao sector enerxético e non parece razoable que iso poida xustificar o despedimento, neste caso, de 115 traballadores da empresa Vestas”, indicou Conde.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
