Lugo, 8 de setembro de 2021. O deputado do Grupo Popular, José Manuel Balseiro, vén de rexistrar unha iniciativa no Parlamento de Galicia na que se inclúe unha relación coas principais “débedas pendentes” do Goberno de Pedro Sánchez coa provincia de Lugo en materia de infraestruturas viarias.
Balseiro buscará este xoves, na sesión da Comisión de Obras Públicas que terá lugar na Cámara galega, un acordo de todas as forzas políticas para “poñer deberes” a administración central, de xeito especial, naquelas infraestruturas estatais que, por decisión do goberno de coalición entre socialistas e Podemos, “sufriron importantes recortes orzamentarios ou unha ralentización dos proxectos técnicos comprometidos”.
En particular a iniciativa pide que o Goberno de España execute, no menor prazo posible, as obras previstas na Autovía Lugo-Santiago (A-54), na Autovía Lugo-Ourense (A-56), na Autovía Monforte-Chantada (A-72), na Autovía da Mariña lucense (A-74), así como a execución da solución técnica prevista para reducir os peches ao tráfico da Autovía do Cantábrico (A-8) e a reparación do firme da Autovía do Noroeste (A-6), “de xeito especial, nas inmediacións da cidade de Lugo, onde presenta máis deterioro” En materia de conservación tamén reclama o reforzo das tarefas de mantemento nas estradas nacionais de titularidade estatal. Finalmente, e tamén no ámbito das competencias do Ministerio de Transportes, Balseiro pide a recuperación das frecuencias ferroviarias suprimidas “coa escusa da pandemia”, e insiste na necesidade de impulsar as obras que permitan a chegada do AVE á provincia de Lugo.
A petición popular vehicúlase a través dunha emenda de adición a unha iniciativa socialista que será obxecto de debate nesa mesma Comisión e na que se reclama á Xunta impulsar a conversión en autovía do corredor Nadela-Monforte de Lemos, un proxecto xa previsto polo Goberno galego que, de feito, executa neste momento a obra de desdobre no seu primeiro treito, entre A Pobra de San Xiao e Sarria.
Mellora da estrada N-540
Tamén na sesión deste xoves da Comisión de Obras Públicas do Parlamento tamén está previsto o debate e votación doutra proposición non de lei, neste caso a iniciativa do Grupo Popular e que defenderá a deputada Raquel Árias, na que reclama o arranxo integral da estrada nacional N-540, que comunica a provincia de Lugo con Ourense.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
