Viveiro, 25 de setembro de 2021. O secretario xeral do PSdeG, Gonzalo Caballero, cualificou hoxe de “inaceptable” a decisión unilateral da multinacional Vestas de pechar a súa planta de Viveiro. Por iso, o líder socialista reclámalle á Xunta de Galicia que paralice esta mesma semana o inicio do período de consultas do Expediente de Regulación de Emprego previsto na factoría. Desta maneira, sinalou Gonzalo Caballero, poderase “gañar tempo gañar tempo para poder buscar solucións para unha planta que ten viabilidade e que ten futuro”.
Tras manter tamén unha xuntanza co comité de empresa e participar na concentración de apoio ao cadro de persoal, Gonzalo Caballero anunciou que o Grupo Socialista levará ao próximo pleno do Parlamento unha iniciativa para que o conselleiro de Economía dea respostas sobre cal é perspectiva que ten a Xunta en relación a esta decisión de Vestas. En calquera caso, remarcou que esta semana que se inicia “é unha semana crucial” e por iso “é necesario que a Xunta tome decisións porque non podemos deixar pasar o tempo”.
Nesta liña, o secretario xeral do PSdeG lembrou que o goberno galego “ten competencias en materia industrial e laboral” e, polo tanto, “ten que paralizar o inicio de consultas do ERE previsto porque hai que buscar unha alternativa para que Vestas poida redefinir a súa posición e, sobre todo, para conseguir manter a actividade industrial e o emprego para os 115 traballadores e traballadoras planta de Viveiro”. “Esa é a nosa prioridade”, proclamou.
Despois de incidir en que a fábrica “é viable e fundamental para A Mariña”, o secretario xeral do PSdeG afirmou que en que a decisión do peche é aínda menos comprensible “cando a fábrica está producindo con capacidade e de forma competitiva despois de que se levasen a cabo investimentos e recibise apoio institucional”. Gonzalo Caballero tamén fixo un chamamento a todas as administracións “para que traballen conxuntamente, a carón do persoal de Vestas en Viveiro, para que a planta non se peche”.
De maneira complementaria, o líder dos socialistas sinalou que “é necesario que a Xunta faga unha política de industrialización activa que aposte polas industrias existentes na Mariña de Lugo”. Ademais, reclamoulle ao goberno galego que formule “un plan de fortalecemento da actividade industrial con novos proxectos e con busca de novos inversores”.
En definitiva, “A Mariña necesita unha política industrial dende a Xunta de Galicia que non se está facendo”. Ademais, Gonzalo Caballero remarca que esta é unha situación que “estamos vendo en moitos lugares de Galicia”. Así, sinalou “o goberno da Xunta non exerce as súas competencias en materia industrial e iso implica que Galicia vai perdendo valor engadido bruto no sector industrial, perde traballadores no sector secundario e a Xunta non dá solución a tantas crises e problemáticas que hai en Galicia, malia as súas competencias e responsabilidades”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
