Ribadeo, 13 de setembro de 2021. Elena Candia concluíu este luns en Ribadeo a rolda de xuntanza cos compromisarios da provincia que participarán este domingo no 18º Congreso Provincial do PP. Despois de reunirse en Chantada cos da Zona Sur e en Lugo, cos da Zona Centro, a candidata á reelección fixo o mesmo cos da Mariña, onde propuxo reforzar as “políticas de emprego estable como instrumento para a dinamización da economía e impulsar a tan necesaria reactivación económica”.
A popular fixo esta valoración dada a situación que atravesa esta comarca debido á deriva na que está inmersa a planta de Alcoa, en San Cibrao, a pesares de ser a principal empresa da provincia e a única que produce aluminio primario de España, e de dar emprego a unhas 2.000 familias. Consciente da importancia que supón a factoría para esta comarca dende o punto de vista económico e do emprego, Candia considera necesario “un contrato de venda efectivo e deixarnos de declaracións de intencións que só son papel mollado”.
“Creo que a mensaxe que debemos reivindicar e pola que loitar debe ir encamiñada neste senso. Falar da Mariña nestes momentos é falar de Alcoa, é falar de emprego, é falar de dar estabilidade aos traballadores. Dende o PP sempre foi o que pedimos; Mágoa que dende o PSOE e dende a esquerda non exista o mesmo compromiso”, remarcou.
“Levamos case dous anos con promesas. A empresa di que quere vender e o Goberno fala de marco enerxético, pero tanto unha como o outro non están facendo nada ao respecto”. E neste proceso, dixo, “precisamos un prezo eléctrico competitivo”, xa que “do contrario non será posible producir aluminio primario en España”.
“O emprendemento como base para a transformación social”
En materia de emprego, Elena Candia tamén defendeu a inclusión dos máis mozos na actividade do Partido, pois “son o futuro e é o que nos levará, sen ningún tipo de dúbida, á transformación social. Temos que apostar polos emprendedores que temos”, afirmou.
A este respecto, destacou que, precisamente, os integrantes da Comisión Organizadora son “un bo exemplo da importancia que quero para o noso proxecto político e de provincia de cara ás municipais”. As agrupacións locais, dixo, “tamén deben facer un esforzo por sumar novas caras e avogar polo diálogo como a base para chegar a acordos. Ese será o camiño que nos levará a alcanzar a gobernabilidade na Deputación e nos Concellos onde non a temos”.
Campaña intensa
Elena Candia pechou así a campaña interna, tal e como rexe o cronograma do Congreso. Ao longo dos últimos días mantivo distintas reunións de traballo para pulsar a opinión da afiliación, recoller as súas propostas e explicarlles o proxecto político que liderará a partir do domingo 19. Precisamente, a xuventude tivo un protagonismo destacado, como así se reflicte nas xuntanzas cos afiliados mozos e os concelleiros de xuventude.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
