Lugo, 21 de setembro de 2021. O Presidente da Deputación de Lugo recibiu este martes no Pazo de San Marcos á asociación de veciños Alexandre Bóveda de Paradai, no marco do programa Coñece a túa provincia. Fíxoo durante a visita que este colectivo realizou á sede provincial, onde coñeceu a historia e características deste emblemático edificio. Logo, a veciñanza de Paradai viaxou á Mariña para percorreu a fábrica de Sargadelos, o paseo dos Namorados, a vila de San Cibrao e o Museo Provincial do Mar, e achegouse á carpintería de ribeira.
Pola súa banda, este martes a veciñanza da Asociación Cultural de Veciños da Residencia de Lugo (ASCORELU) foi recibida polo Deputado de Promoción Económica e Social, Pablo Rivera Capón, no Centro de Produción de Audiovisuais da Deputación. Percorreron o plató e o resto de instalacións, ademais de coñecer polo miúdo o traballo que se desenvolve neste lugar. Partiron de Lugo para desprazarse tamén á Mariña, neste caso ata a localidade de Xove para descubrir a paisaxe costeira e os enclaves de Portocelo e Morás. No seu itinerario tamén pararon nos eucaliptos de Chavín e no casco histórico de Viveiro.
Nesta primeira tempada, beneficiaranse do programa Coñece a túa provincia máis de 1.200 persoas de 62 asociacións e colectivos lucenses ata o vindeiro 10 de novembro.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
