Burela, 25 de setembro, 2021. O Pescados Rubén Burela FS pechou a xornada 2 con táboas no derbi irmandiño inaugural da tempada. A visita á Seca saldouse con grande igualdade fronte ao Poio Pescamar FSF reflectida co 1-1 final. Como boa nova, as Guerreiras Laranxas puideron volver contar hoxe co regreso de Cilene, tras nove meses, dende a rotura do tendón de Aquiles sufrida na Supercopa de España de Burela, precisamente ante as pontevedresas.
O Poio, sen complexos, pelexou para incomodar a un Pescados Rubén que chegaba á cita despois dunha semana atípica, coas ausencias no traballo de Peque, Dany, Ale e Elenita pola concentración coa Selección. Nas filas mariñás faltou frescura e houbo imprecisións que o Poio aproveitou para medrar na primeira parte á contra. Nun compromiso igualado, con dúas escuadras atrevidas e con opcións, foi o conxunto de Manu Cossío o que tomou a iniciativa a falta de 5 minutos para o descanso nunha contra de Ana Rivera que culminou a capitá, Dani Sousa, fronte a Sandra Buzón e Dany Domingos. Ata o momento as máis claras das laranxas protagonizáranas Elena Aragón nunha recuperación de Emilly en primeira liña, no 11 de xogo, e Peque, no 5, cunha vaselina.
Jozi, defendendo a rede laranxa no segundo acto, freou as intencións envelenadas da ex das burelistas Jane para evitar o segundo local. Co perigo de Cami, o Pescados Rubén Burela incrementou o dominio e as ocasións, con Dany, á contra, e pouco despois Peque. Non cesaron de insistir coa súa posesión as da Mariña, dando moi boas mostras da esencia das Guerreiras tras o descanso, ata que chegou a recompensa en estratexia, cun saque de banda de Leti a falta de 44 segundos para o ecuador do segundo acto, finalizado por Emilly. Segundos despois, Dany acariñou o segundo coa máis clara de todo o encontro, desartellado por outra antiga compañeira, Luísa Mayara, baixo paus. Nas filas locais, Luci tamén dispuxo dunha de ouro para poñerse por diante pero aí estaba Jozi, para freala.
Ficha técnica
Poio Pescamar FSF: Caridad, Ana Rivera, Irene García, Dani Sousa, Luci, cinco inicial; tamén xogaron Jane, Luísa Mayara, Dupuy, Anna Escribano, Chiesa
Pescados Rubén Burela FS: Sandra Buzón, Peque, Cami, Bea Mateos, Emilly, cinco inicial; tamén xogaron Ale de Paz, Dany, Elenita, Leti, Elena Aragón, Cilene, Jozi
Goles: 1-0, minuto 15, Dani Sousa; 1-1, minuto 30, Emilly
Árbitros: Darriba Villamor // Vilas López. Por Poio amarela para Anna Escribano (minuto 25), Lucía Paz (minuto 25). Por Burela amarela para Dany (minuto 17), Jozi (minuto 32)
Incidencias: Partido correspondente á xornada 2 de Primeira RFEF Feminina disputado na Seca coa emisión en directo de TVG2.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
