Lugo, 16 de setembro de 2021. O Presidente do PSdeG na provincia de Lugo, Presidente da Deputación e Alcalde de Monforte de Lemos, José Tomé Roca, deu a coñecer este xoves as persoas que conforman a delegación lucense que representará ao partido no Congreso Federal que se celebrará en Valencia entre os días 15 e 17 de outubro para revalidar a Pedro Sánchez como Secretario Xeral dos socialistas.
José Tomé fixo pública a lista no día de hoxe, despois de que a súa candidatura fose a única proclamada na provincia e unha vez recollidos e presentados os avais necesarios.
O presidente provincial dos socialistas lidera unha lista de 12 delegados, 6 homes e 6 mulleres, “unha lista paritaria, en cremalleira, que é representativa do Partido Socialista na provincia, tanto no plano institucional, como orgánico”, subliñou Tomé Roca. “Esta delegación é un bo retrato do que representa a día de hoxe o socialismo na provincia de Lugo, un partido que ten unha gran presencia e forza no territorio, que goberna na Deputación, e que goberna ou cogoberna en 31 concellos, que aglutinan a máis de 211.000 habitantes, o 65% da poboación. Un partido que, tanto dende responsabilidades de xestión, como tamén dende a oposición, traballa para mellorar a vida dos veciños e veciñas, para que teñan mellores servizos públicos e para xerar actividade económica e emprego”.
A lista de delegados e delegadas que representará ao PSdeG provincial no 40º Congreso Federal é a seguinte:
1.- José Tomé Roca, Presidente provincial do PSdeG, Presidente da Deputación de Lugo e Alcalde de Monforte
2.- Lara Méndez López, Alcaldesa de Lugo
3.- Francisco Cajoto Caserío, Alcalde de Foz
4.- Patricia Otero Rodríguez, Secretaria provincial do PSdeG de Lugo e Deputada Autonómica
5.- José Antonio Quiroga Díaz, Secretario de Organización do PSdeG e Presidente da Confederación Hidrográfica Miño-Sil
6.- Pilar García Porto, Voceira socialista do Goberno da Deputación, Deputada de Réxime Interior, Promoción do Territorio e Turismo, e Voceira do PSdeG no Concello de Antas de Ulla
7.- Xosé María Arias Fernández, Alcalde de Castroverde e Deputado provincial de Cooperación e Asistencia aos Concellos
8.- María Loureiro García, Alcaldesa de Viveiro e Deputada provincial de Muller e Igualdade
9.- José Luis Raposo Magdalena, Alcalde de Pedrafita do Cebreiro e Deputado provincial de Medio Ambiente
10.- Marisol Morandeira Morandeira, Alcaldesa de Guitiriz
11.-. Iván Castro Díaz, Voceiro do PSdeG no Concello de Paradela
12.- Ana Prieto Nieto, Deputada do PSdeG no Congreso dos Deputados
Suplentes:
1.- Pablo Rivera Capón, primeiro tenente de Alcalde do Concello de Láncara e Deputado provincial de Promoción Económica e Social
2.- Silvia Rodríguez Díaz, Voceira do PSdeG no Concello de Portomarín
3.- Eduardo Vidal Baamonde, militante do PSdeG no concello de Vilalba
A delegación lucense acudirá ó Congreso de Valencia “para respaldar e reforzar o proxecto liderado por Pedro Sánchez. Un proxecto, subliñou o Presidente, que volveu a poñer á provincia de Lugo na axenda política e no mapa das infraestruturas, despois da década absolutamente perdida que supuxeron para Lugo os sucesivos gobernos do Partido Popular con Mariano Rajoy, anulando incluso contratos xa asinados como o da Estación Intermodal de Lugo”.
“Queremos reforzar este proxecto convencidos de que facelo é o mellor para o futuro da provincia de Lugo e de Galicia, e farémolo aportando a nosa visión, que inclúe tanto a opinión dos militantes de base, como a nosa experiencia de goberno nas institucións”, afirmou José Tomé, quen recalcou que “a defensa e o compromiso firmes cos servizos públicos e cunha recuperación económica sostible na que traballa Pedro Sánchez é tamén o mellor antídoto para os recortes, e para a falta de estratexia e de visión de país de Feijóo na Xunta de Galicia”.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
