Santiago de Compostela, 29 de setembro, 2021. A deputada do BNG, Olalla Rodil defendeu, a través dunha proposición non de lei, reverter ao sector público as residencias de maiores de titularidade pública e xestión privada porque “a vellez non pode ser un negocio”. Neste sentido, afirmou que “o avellentamento poboacional galego é un caramelo para as empresas”.
Por outra banda, asegurou que o número de prazas nas residencias é “insuficiente” e denunciou “a drenaxe de fondos públicos para prazas concertadas”.
A concertación, dixo, supón 74M€ ao ano, máis do que inviste a Xunta anualmente na RISGA ao que sumou que “2 de cada 3 euros dos centros públicos de maiores no programa 312D son destinados a cebar á privada”.
A maiores, indicou que os tempos de espera para acceder a unha praza sitúanse 2 anos. Dende o BNG, dixo, reclamos mudar este modelo reforzando a xestión pública para garantir o dereito a “unha vellez digna” nun país no que o 25% da poboación ten máis de 65 anos.
Residencias públicas con xestión privada
A parlamentaria lembrou que na actualidade existe unha infraestrutura pública “en mans privadas”, con residencias de titularidade da Xunta xestionadas por entidades privadas. Once residencias privatizas de 41, oito xestionadas polo grupo Dómasvos con 1.032 prazas e dúas dirixidas pola Fundación Valdegodos con 213 prazas.
En Galiza, engadiu, están privatizas 10 residencias das 41 da Xunta de Galiza e das 10 residencias, 8 xestionadas polo grupo DomusVi e dúas pola Fundación Valdegodos. Das 4.060 prazas de residencias públicas en Galiza a Xunta é titular de 3.900 e delas 1.245 están privatizadas en 10 centros e o 83% controladas polas dúas principais empresas de DomusVi, Geriatros e Quavitae.
Domus Vi un pelotazo moi rendible
Rodil subliñou que o negocio de Domus Vi coas concesións e concertos é o resultado “dun pelotazo no ano 2010” coa saída da Xunta de Sogareso, a desaparición das caixas de aforros e a venda de Geriatros a fondos de investimentom internacional.
“É mentira que a xestión privada sexa mellor en asistencia e máis barata para as arcas públicas” e por esa razón reclamamos que eses centros pasen á xestión pública directa.
Na defensa da proposta tamén se referiu ás 790 persoas falecidas pola COVID19 nas residencias de maiores, “80 eran usuarias da rede pública, apenas o 10%, e a metade en centros privatizados e en mans de DomusVi”.
“De 41 centros, 11 privatizados concentran o 50% dos falecementos. Para a deputada estes datos “non son casuais”, son produto dun modelo baseado na precariedade laboral e do propio servizo”, como levan denunciado as traballadoras das residencias e as familias. Neste punto, lembrou que na residencia Concepción Areal da Coruña, residencia pública privatizada e xestionada por Domus Vi investigada xudicialmente pola morte dunha usuaria foi sancionada pola Xunta con 1.800 euros, moito menos do que custa contratar a unha enfermeira 24 horas. Sae “barato” dixo, infrinxir a norma, dixo a deputada.
“Aí é onde se entende o veto á investigación do acontecido nas residencias durante a Covid e o atranco permanente e constante para que poidamos acceder a documentación pública”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
