Lugo, 7 de setembro de 2021. Os alcaldes populares demandan unha “estratexia nacional” para non perder servizos bancarios nos concellos da provincia de Lugo. Así o manifestaron durante unha reunión de traballo na que participaron os rexedores de Baleira, Bóveda, O Incio, As Nogais e Paradela e o tenente de alcalde de Guntín, xunto á presidenta provincial do PP, Elena Candia, e ao vicepresidente da Fegamp, o alcalde cervense, Alfonso Villares, na que se amosaron preocupados polo peche de oficinas bancarias especialmente nos concellos máis pequenos e de carácter rural que “supón un impacto negativo para o desenvolvemento de boa parte do noso territorio”.
Candia explicou, neste sentido, que “o Partido Popular da provincia de Lugo levará iniciativas ás distintas institucións demandando ao Goberno de España un plan estatal para combater o peche de oficinas bancarias nas zonas menos poboadas. É dicir, os entornos non urbanos”. E engadiu que “debe ser unha normativa coordinada coas administracións autonómicas, provinciais e locais e que inclúa medidas para facilitar o acceso da poboación a estes servizos”. Así mesmo, sinalan os populares que “debe ser o Goberno de España o que, a través do Banco de España, esixa ás entidades bancarias ratios de prestación de servizo moito máis inferiores” para “garantir uns servizos financeiros mínimos e a igualdade de condicións no seu acceso tanto para a poboación urbana coma para a do rural”.
Os populares amosaron o seu compromiso de traballo para manter e dotar de servizos ás zonas menos poboadas co obxectivo de “potenciar o rural reforzando aos concellos para fixar poboación”. Ao respecto dos servizos bancarios, lembrou Candia que “a Xunta de Galicia foi das primeiras administracións en poñer en marcha, en colaboración co Fegamp, medidas para universalizar o acceso aos servizos bancarios e financeiros independentemente do lugar de residencia”.
Acordos para evitar a exclusión financeira
A presidenta provincial do PP considera que “é necesaria a implicación de tódalas administracións, sen importar as cores políticas, na procura dunha solución a nivel nacional a este problema”. Candia manifestou a conveniencia de “chegar a acordos” co único obxectivo de evitar a exclusión financeira da nosa provincia”.
A este respecto, convida “aos alcaldes, ao Goberno da Deputación de Lugo e aos representantes do PSOE na provincia a presionar ao Goberno do seu partido para que tome medidas ante a situación de exclusión financeira nos concellos lucenses e elabore unha normativa que garanta uns servizos financeiros mínimos”.
A popular lamenta que ata o de agora, “o Goberno se desentendera desta problemática” e que “tampouco o Goberno que preside o señor Tomé se dirixira ao Executivo de Sánchez defendendo os intereses dos lucenses afectados”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
