Viveiro, 21 de setembro de 2021. UGT-FICA Galicia, xunto con UGT-FICA Costa Lucense e a Sección sindical de UGT-FICA Vestas, tras a reunión celebrada onte a última hora da tarde despois do anuncio da empresa do peche da factoría que Vestas ten en Viveiro (Lugo), manifestan o seu máis frontal e absoluto rexeitamento a este peche que suporía a perda de 115 postos de traballo, máis os indirectos que poida traer consigo esta decisión empresarial, e unha dura labazada para unha comarca xa moi castigada pola situación que está a vivir tamén con Alcoa. Pero é que suporía tamén un duro revés para o emprego e actividade industrial de Galicia que na conxuntura actual non se pode permitir.
Por iso, e á espera de que a empresa inicie o período de consultas e información relativo a este anuncio de peche, UGT-FICA, sindicato maioritario e que ostenta a presidencia do Comité de empresa, insta xa, dende o minuto un desta situación, á Xunta, que non pode esquecer que ten competencias en materia de Industria, e ó Goberno central a que se impliquen e comprometan na busca dunha solución para esta situación concreta e para poñer freo ó goteo continuo de perda de emprego industrial nesta Comunidade.
Un centro de traballo rendible, sen balances económicos negativos
O Sindicato non entende esta decisión nun momento no que se anuncia a instalación de novos parques eólicos, no que as apostas parecen claras cara un sistema enerxético máis sustentable medioambientalmente e, ademais, cando se está a falar dun centro de traballo rendible que nunca presentou balances económicos negativos. Estase a falar dun conxunto de traballadores e traballadoras altamente cualificados e produtivos, que se foi adaptando sempre ás novas esixencias do mercado, e que converteu á planta de Vieiro nun centro de referencia, como así o recoñeceu a dirección de Vestas en innumerables ocasións.
Freo xa ás deslocalizacións
Por todo isto, UGT-FICA denuncia que detrás deste anuncio, como xa sucedera con Siemens Gamesa en As Somozas recentemente, hai unha clara intención deslocalizadora cara outros puntos xeográficos. Unha práctica habitual que están a poñer en marcha moitas empresas, para aforrar custes, á que as administracións, neste caso a galega e a central, teñen que poñerlle freo xa. Non se pode seguir permitindo que, primeiro as administracións faciliten a actividade de determinadas empresas con subvencións e outro tipo de facilidades para a súa actividades e, despois, estas decidan trasladar a súa produción sen unha explicación produtiva e industrial clara, simplemente por un aforro de determinados custes.
UGT-FICA traballará firmemente para evitar o peche de Vestas-Viveiro
Neste senso, UGT-FICA anuncia que, a partir de agora, traballarase firmemente por evitar que Vestas execute este decisión dende todos os eidos que o Sindicato ten ó seu alcance, nas negociacións coa propia empresa, nos encontros que haberá que ter coas administracións e recorrendo á mobilización e presión se a empresa continúa adiante co peche.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
