Xove, 9 de setembro, 2021. A estrea do Pescados Rubén Burela FS 21-22 en Vista Alegre deixou boa imaxe onte no derbi mariñán fronte un Xove FS con moitas caras coñecidas que pelexou con garra (5-1). O conxunto laranxa pechará a semana, co terceiro amigable de pretemporada, o sábado; será coa visita ao municipal de Lugo fronte a Ribeira FS (12.00 horas).
Alberto Riquer concedeu minutos a todos os seus xogadores nunha cita na que o fonsagradino Isma debutou de laranxa para estrear o luminoso xa aos 7 segundos de xogo. “Tan só levamos dúas semanas e media pero xa puidemos sacar conclusións sobre os conceptos que estamos a traballar. A pesar da carga física, lóxica a estas alturas, interpretouse ben a idea do que queremos, a filosofía do que queremos ser. As sensacións foron positivas, a actitude e predisposición tamén. Esta é a liña que temos que seguir; quédanos moito aínda. Para o equipo é importante seguir xogando amigables é esta preparación, para calibrar o día a día de traballo nos adestramentos” reflexionaba o novo técnico burelista tras a cita.
Na primeira parte Samu, baixo paus do conxunto visitante, respondeu con excelentes intervencións antes as chegadas laranxas. A mellor ocasión do Xove protagonizouna Mini estrelándoa contra o pau no minuto 14. Con todo, nesta ocasión o Pescados Rubén non perdoou e subiu o 2-0 con Iago Míguez, renda que ampliou outra Xoia, Nito, antes do descanso.
O cansazo notouse nas filas visitantes no segundo acto, fronte a un Burela FS que se distanciou con Isma de novo e Pitero; Xoel subiu o tanto de honra para o Xove.
Ficha técnica
Pescados Rubén Burela FS: Edu, Iago Míguez, Levi, Isma, David Pazos, cinco inicial; tamén xogaron Rikelme, Renato, Pitero, Wanderson, Quintela, Lucho, Álex Diz, Nito, M. Kaluza, Bruno
SD Xove FS: Samu, Manu, Xoel, Pancho, Henri, cinco inicial; tamén xogaron Chema, Mini, Marcos, Rubén F., Javi, Luismi
Goles: 1-0, minuto 1, Isma, 2-0, minuto 14, Iago Míguez; 3-0, minuto 19, Nito; 4-0, minuto 31, Isma; 4-1, minuto 35, Xoel; 5-1, minuto 35, Pitero
Árbitros: Amor Vizoso // Darriba Villamor. Por Xove amarela a Manu (minuto 38).
Incidencias: Partido amigable de pretemporada disputado no pavillón Vista Alegre.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
