Santiago de Compostela, 29 de outubro de 2021. A Real Academia Galega de Belas Artes celebra dende o vindeiro martes 2 de novembro un novo ciclo de conferencias encadrado nos “Martes das Artes”. Nesta ocasión tratará sobre “Cidades Patrimoniais Galegas do Barroco”, baixo a coordinación de don Miguel Taín Guzmán e don Celestino García Braña, e constará de tres conferencias nas que se explicará a presencia do barroco nas cidades de Santiago de Compostela, Mondoñedo e A Coruña.
Segundo o profesor de Historia da Arte da Universidade de Santiago de Compostela Miguel Taín Guzmán, o ciclo pon o foco en tres das sete capitais do antigo Reino de Galicia, conformado por outras tantas provincias. “Abordaremos como estas tres cidades medievais foron barroquizadas e manteñen monumentos relevantes dos séculos XVII e XVIII, porque non só Santiago é unha cidade do barroco, senón toda Galicia”, asegura o académico, que destaca o caso de Mondoñedo, “unha xoia que en certo modo quedou conxelada no tempo e que esperamos que perdure”, en alusión aos seus pazos, conventos, igrexas e catedral, pero tamén á súa muralla e paseo de ronda, entre outros elementos do seu rico patrimonio monumental.
Santiago de Compostela destaca pola boa conservación da súa estrutura viaria medieval e das parcelas onde se asentaban, ao igual que agora, os edificios do casco vello, ademais das emblemáticas catro prazas que rodean a catedral: o Obradoiro, a única de carácter público reservada para as festas da cidade; as Praterías, de uso eclesial e para a venda de obxectos relixiosos de prata; a Quintana, dedicada a cemiterio e á recepción dos peregrinos nos Anos Santos; e a Acibecharía, para a venda de obxectos relixiosos feitos con acibeche, e que antigamente recibía o nome de praza das cambias, porque nela efectuábanse os cambios de moedas doutros países, ademais de ser o lugar para o lavado e o cambio de roupa antes do acceso á catedral.
No caso da Coruña, o interese ven marcado especialmente pola súa condición de cidade portuaria, onde o protagonismo recae nos aspectos defensivos como as murallas, os baluartes e os revellines para facer fronte aos ataques foráneos, especialmente dos ingleses.
Programa do ciclo
A primeira conferencia, titulada “Santiago de Compostela, cidade do barroco”, terá lugar o martes 2 de novembro e será impartida polo profesor titular de Historia da Arte da USC don Miguel Taín Guzmán. O día 9, don Javier Gómez Darriba, doutor en Historia da Arte pola mesma universidade, impartirá a charla “Mondoñedo, cidade do Barroco”, e por último, o martes 23 de novembro concluirá o Ciclo coa conferencia “A Coruña, cidade do Barroco”, charla que será impartida pola tamén doutora en Historia da Arte pola USC dona Paula Pita Galán.
Todos os actos do ciclo terán lugar ás 20:00 horas no Salón de Actos da Real Academia Galega de Belas Artes (Praza Pintor Álvarez de Sotomayor, 1. A Coruña) sen límite de capacidade, aínda que será necesario reservar praza no teléfono 981 211 602 ou no email info@academiagalegabelasartes.gal
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
