Ribadeo, 29 de outubro, 2021. Como é sabido, Por Nuestro Faro vese na obriga de recurrir a outros organismos para que, como asociación veciñal, sexan aceptados os dereitos de calquera ribadense á información.
Van máis de 10 meses preguntáramos ó Concello polas palas excavadoras que revolvían o espazo protexido da Illa Pancha, sen ter resposta algunha. No mes de agosto, de pronto, todos descubrimos a apertura dunha cafetería con barandas, entarimados, mamparas, camiños, varios niveis, e unha extensión sospeitosamente avultada en relación cos metros de concesión adxudicados á empresa promotora.
Ben, o paso do tempo tíñanos dado a resposta, pero non porque as obras se visen dende terra, pois fraguouse cara ó mar, na parte norte da illa, detrás do edificio do faro e coa pendente en descenso, e así era imposible saber o que se estaba a facer coa emblemática illa Pancha, ni como. Tampouco o soubemos polo alcalde nacionalista, en teoría defensor da terra e o pobo galego a nivel local. Soubémolo porque alguén, non se sabe quen nin con que autorización, decidiu que a illa se abriría en horario de cafetería. Só así puidemos ter constancia, a auga pasada, da información que se nos tiña negado dende o Concello. Cando todas as modificacións tiñan sido feitas e o negocio privado posto en marcha.
Que casualidade e que mala sorte. De novo.
Quedaban tantas preguntas sin resposta. Así que decidimos enviar outro correo ó Concello a finais de agosto preguntando por autorizacións, licenzas, proxecto, acceso público supeditado ó negocio, avaliación medioambiental, etc. Como dous meses despois seguíamos sen contestación de quen presume de transparencia nas redes sociais, decidimos levar o tema á Valedora do Pobo, e o 20 de outubro recibimos a admisión a trámite da nosa queixa:
«En consecuencia, coa data de hoxe iniciamos as actuacións oportunas ante o Concello de Ribadeo. En concreto requerímoslle que no prazo de 15 días, de acordo co previsto no artigo 22.1 da Lei da Valedora do Pobo, nos facilite información sobre os problemas que motivan a súa queixa. Tan pronto como recibamos o preceptivo informe que ese órgano ten que remitirnos poñerémonos de novo en contacto con vostede para darlle conta da nosa actuación ao respecto».
O 4 de novembro cúmprense os 15 días deste correo. Nós, pola nosa parte, tamén seguiremos transmitindo ó pobo de Ribadeo toda a información que consigamos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
