Burela, 29 de outubro de 2021. Burela continúa avanzando co obxectivo de ser recoñecida como cidade amiga da infancia. Comezaron as xuntanzas de traballo, segundo deu a coñecer a concelleira de Servizos Sociais.
Carmela López contou que “tivemos unha reunión telemática cunha responsable de Unicef que se baseou nuns puntos que nos marcaron para postularnos como Cidade Amiga da Infancia. Seríamos a primeira de Lugo e en Galicia agora mesmo hai 10, das que ningunha é desta provincia”.
A concelleira burelesa explicou que “para conseguir ese recoñecemento pídennos primeiramente facer unha promoción de participación infantil para o que se crea un órgano que se chama Consello de Participación Municipal Infantil, que ten un regulamento propio e participa na toma de decisións de maneira continuada, o que me parece moi interesante e niso xa estamos, cos encontros que manterán con Alejandro Ramos, dinamizador experto en grupos de participación”.
A edil de Servizos Sociais engadiu que “é necesario traballar nun plan de infancia, que elaborarán os técnicos do Concello, para o que crearemos un grupo de traballo. Hai que facer un diagnóstico de partida e indicar cantos nenos temos, cantos centros educativos hai, que recursos temos, onde están. Este plan sirve para ir avaliando a través de diferentes indicativos o que temos e o que necesitamos mellorar”.
Carmela López dixo que “temos un prazo mínimo dun ano para facer todo este traballo e postularnos. Despois Unicef decidirá se cumprimos todos os requisitos e nos recoñecen como Cidade Amiga da Infancia ou non”.
Nas últimas horas tivo lugar o primeiro taller de formación e encontro dos rapaces e rapazas que forman o grupo de participación. Xunto a eles estiveron o alcalde, Alfredo Llano, a concelleira de Servizos Sociais, Carmela López, a concelleira de Igualdade, Noelia Mª Ben, e o concelleiro de Deportes, Ramiro Fernández.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
