Viveiro, 11 de outubro, 2021. A pesares de que toda a corporación admitíse que un Plan de Accesibilidade é máis que necesario para o concello de Viveiro, o proxecto non saiu adiante polos votos en contra do equipo de goberno de María Loureiro e as abstencións de Por Viveiro.
A concelleira do BNG, Míriam Bermúdez, ten clara a súa posición: “é necesario un Plan de Accesibilidade como ferramenta de xestión e sensibilización. Non podemos pedir que a sociedade se conciencie cando a institución non o está”, afirmou despois de ver como a moción non saía aprobada aínda despois de que toda a corporación admitira a súa necesidade, “non é comprensible cando hai tanto que facer neste eido, isto é a mostra do grande camiño que queda por diante para sensibilizar sobre a igualdade de oportunidades e dereitos humanos en materia de accesibilidade no noso concello”.
Viveiro continuará sen un Plan de Accesibilidade do que se beneficiarían máis de 15 mil persoas que viven no municipio, a veciñanza da comarca, así como turistas e visitantes. Por sorte, si existen concellos sensibilizados que contan con este plan dende hai anos e que aproveitaron fondos e convenios para levalos a cabo, como Feder, Xunta, Deputacións, Imserso, Once… algúns deles executando na actualidade unha terceira fase do plan, mais non é o caso de Viveiro.
Dende o 2013 que María Loureiro está na alcaldía, nunca se solicitaron fondos para a elaboración do devandito Plan, polo que non existe ningún estudo cun diagnóstico da situación actual do concello. Este estudo permitiría planificar nesta materia establecendo criterios obxectivos e axustados á realidade, para dar resposta ás necesidades máis prioritarias. Porén, o goberno local asegura contar cunha planificación, descoñecida para todas, e sen ter ningún estudo integral feito ao respecto, sendo o argumento principal de María Loureiro: “cómpre ser realista e priorizar…”. Dende o BNG preguntámonos en que nivel de prioridades está a accesibilidade para este goberno cando estamos falar dun dereito humano.
Con todo, non foi a falta de financiación o motivo de que o PSOE votase en contra. A exposición de motivos do BNG provocou unha actuación lamentable por parte da alcaldía e das concelleiras de Cultura e Benestar Social, Lara Fernández e Victoria Baamonde respectivamente, deixando unha vez máis de manifesto a falta de seriedade, rigor e respecto coa que adoita actuar o goberno municipal, dedicándose a increpar á nosa concelleira interrompéndoa de xeito constante mentres falaba, nun intento de xustificar que son suficientes as poucas accións puntuais que o goberno ten levado a cabo e negándose en todo momento a escoitar á concelleira do BNG: “as poucas medidas que se tomaron son válidas, mais non aportan unha solución a nivel integral nin se axustan a criterio ningún, e polo tanto non dan resposta ás grandes carencias do concello en materia de accesibilidade”, afirmaba Míriam Bermúdez no pleno.
Dende o BNG de Viveiro lamentamos que unha proposta en positivo que ofrece a ferramenta necesaria para falar dun Viveiro Inclusivo, coa que contan os concellos sensibilizados dende hai anos, a tomaran como un ataque persoal e fora desbotada por un exceso de ego do equipo de goberno en detrimento da veciñanza.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
