Viveiro, 22 de outubro, 2021. Dende o BNG censuramos a actitude escapista da alcaldía de Viveiro nunha sesión extraordinaria cuxo obxectivo único era que respostase ás preguntas que lle fosen formuladas.
Asistimos onte a unha comparecencia onde a María Loureiro chegou, sentouse, leu un escrito e foise; faltoulle facelo a través dun plasma ao estilo Mariano Rajoy.
A actitude escapista do goberno do PSOE foi evidente en toda a sesión, na que non se responsabilizou de ningunha das decisións políticas que executaron, e que como consecuencia supuxeron o despido dunha traballadora do concello que conta con dúas sentenzas xudiciais que declaran a súa relación laboral indefinida co concello dende o ano 1995. Sorprendente, pretendeu enganar afirmando que non foi un despido senón que se trataba dunha baixa na Seguridade Social, cando a alcaldía mandou á lista do paro á traballadora, cun despido que nen sequera se notificou cos 15 días establecidos por lei, sen que a día de hoxe a traballadora teña recibido o importe correspondente á liquidación, feitos inadmisibles nunha administración pública.
Non deu resposta tampouco de por qué se tomou a decisión política de sacar a contratación o servizo de limpeza do colexio de Celeiro cando este xa estaba cuberto por unha traballadora do Concello. Tampouco de quen elaborou os pregos, que están mal redactados, incompletos, e é a principal causa de que a empresa adxudicataria puidese acorllerse a non subrrogar á traballadora tal e como se reflexa no informe do Consello Consultivo de Galiza. Algo terá que ver que o Departamento de Contratación conte cun só administrativo e que non se teña cuberto o posto de técnico de contratación, omiteu tamén respostar si teñen pensado cubrir este departamento co persoal necesario para un correcto funcionamento.
Por máis que se esconda tras dos informes NON vinculantes, a alcaldía puido tomar outras decisións políticas. Se prentende que gobernen xs técnicxs, que deixe o cargo.
O goberno do PSOE puido posicionarse do lado das traballadoras e non empurralas aos xulgados, obrigándoas a demandar ao concello con cartos do seu peto para reclamar o seu posto de traballo e os seus dereitos laborais.
Sorprendente a lectura interesada do número de pleitos existentes dende que a alcaldesa forma parte do equipo de goberno, dun total de 68 perderon 20, o que ven sendo o 30% de casos laborais que gañaron as traballadoras laborais do Concello por que a alcaldía non fixo ben o seu traballo.
Omite información relevante neste asunto como a sentenza do Tribunal Supremo favorable xs traballadorxs porque o Concello non quixo aplicarlles o convenio colectivo no que respecta á igualdade salarial, con varias sentenzas recoñecendo o carácter indefinido da relación laboral, irregularidades nas mesas de contratación por non aplicar o prego de prescrición técnicas no momento da adxudicación, despedimentos improcedented e NULOS, coa consecuente indemnización e readmisión.
Algo vai mal, cando un goberno se altera cando lle solicitan información, e peor aínda cando non a dá. Algo vai mal cando un goberno non analiza e corrixe as súas políticas. Algo vai mal cando un goberno remata reiterademente nos xulgados. Mal que lle pese, o BNG seguirá facendo a súa labor en defensa das persoas traballadoras sempre que sexa necesario.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
