A Mariña, 13 de outubro de 2021. O presidente da Mancomunidade de Concellos da Mariña, Fran Cajoto, pide “concreción e confirmación” ao presidente da Xunta, Alberto Núñez Feijoo, para que Altri se ubique na Mariña e ofrece a total colaboración dunha comarca cunha grave crise industrial.
Cajoto acolleu con moderado optimismo o anuncio feito Feijoo durante o Debate do Estado da Autonomía, no que adiantou que a provincia de Lugo é a opción escollida pola Xunta para a planta de Altri de fibras téxtiles: “a provincia de Lugo é moi extensa. Sen unha maior concreción, seguimos expectantes polo que poda decidir Santiago. A nosa comarca está a sufrir unha grave crise industrial. Temos man de obra especializada e a materia prima nos nosos montes, sendo como somos principais produtores de eucalipto a nivel estatal. Non podemos permitirnos perder unha oportunidade coma esta, está en xogo dar valor engadido aos nosos montes e xerar máis de 1500 postos de traballos directos e varios miles indirectos: de turismo só non somos capaces de vivir. Seguiremos loitando por Alcoa, por Vestas e por suposto porque a opción da Xunta para Altri sexa a Mariña”.
A este respecto, o presidente da Mancomunidade ofrece toda a axuda posible: “máxima colaboración cos técnicos, ofrecémonos desde xa mesmo a formar parte dun comité que permita superar os atrancos dun proxecto desta envergadura, que marque e defina o mellor solo industrial que poida acoller a planta na nosa comarca. Aquí non estamos para loitas partidistas: polo volume de empregos e a categoría do proxecto pode supor un punto de inflexión na Mariña. Por iso pedimos concreción ao presidente da Xunta, que defenda a Mariña aínda que esteamos lonxe de Santiago”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
