Lugo, 28 de outubro de 2021. O Presidente da Deputación de Lugo, José Tomé Roca, xunto coa Alcaldesa de Barreiros, Ana Ermida, supervisou este xoves obras de mellora executadas pola institución provincial no municipio mariñán que ascenden a un total 156.127€. En concreto, comprobou o resultado das obras executadas na estrada das praias, a LU-P-0610, e na LU-P-0608, que conecta o núcleo de San Cosme coa Ínsua.
En primeiro lugar, Tomé Roca valorou os traballos executados na LU-P-0610, onde se investiron recentemente 120.777€ na renovación do treito comprendido entre os puntos quilométricos 1,400 e 3,241. Unhas obras que incluíron as tarefas de limpeza de cunetas, drenaxe, aglomerado en quente e sinalización horizontal. Estas melloras súmanse ás executadas á continuación deste treito, entre os puntos 3,400 e 5,400, onde a Deputación de Lugo investiu 91.300€.
Polo tanto, lembrou o Presidente, o investimento total da administración provincial nesta estrada alcanza os 212.000€, entre as dúas actuacións. Unha aposta da Deputación por esta vía que ten unha gran relevancia social e que soporta moito tráfico, sobre todo no verán, ao dar servizo ás praias, á restauración e ás vivendas que se atopan ao carón da costa.
Nesta visita a Barreiros tamén participaron os Deputados de Réxime Interior, Promoción do Territorio e Turismo, Pilar García Porto, e de Promoción Económica e Social, Pablo Rivera, así como membros da Corporación municipal e veciñanza.
Estrada da Ínsua
José Tomé comprobou así mesmo a mellora do firme da estrada que realizou a Deputación na vía que une o núcleo de San Cosme de Barreiros coa Ínsua e que supuxeron un investimento de 35.350€.
Os labores executados nesta vía consistiron na reapertura de cunetas, o estendido de aglomerado en quente e as correspondentes sinalizacións. Actuouse no primeiro quilómetro da vía, dende o cruzamento coa N-634.
Trátase da antiga LU-P-0608 e é a vía que comunica o centro da vila co cuartel da Garda Civil, coa igrexa, co punto limpo e coa capela de Santo Estevo, entre outros puntos de interese, polo que dá servizo a numerosos veciños e veciñas e aos visitantes.
Deste xeito, incidiu Tomé Roca, a Deputación continúa a mellorar a rede viaria provincial, favorecendo deste xeito a seguridade, o equilibrio territorial e a calidade de vida dos veciños e veciñas da provincia de Lugo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
