Da o mesmo quen goberne en Madrid, sexan os da gaivota, sexan os da rosa, xa que o importante é saír en todos os medios de comunicación de Galicia. E tamén nos de España, con outra posta en escena do primeiro AVE na cidade de Ourense, unha infraestrutura que achegará esta cidade a Madrid en tan só dúas horas e cuarto. Neses mesmos momentos que o tren ía recollendo presidentes autonómicos polo recorrido da liña, coa ministra de quenda desfrutando da viaxe en primeira clase, no Congreso dos Deputados estaban a negociarse uns orzamentos do Estado que mantiñan outros tempos de viaxe nas dúas horas e cuarto que tarda en facer o percorrido o novo tren.
Dúas horas e cuarto, é o tempo que o tren de vía estreita, que debería vertebrar como liña de cercanías a costa norte de Galicia, tarda en chegar de Ferrol a Xove, tarda o mesmo tempo pero a distancia é infinitamente inferior. Xove, concello no que está parte do complexo industrial de Alcoa, que ata non fai moito tempo utilizaba esa liña para transportar parte do aluminio que produce para o País Vasco pero que agora transporta en camións, ao igual que o transporte de madeira, que tamén se fai integramente por estrada, desaproveitando unha infraestrutura que esmorece por falta de mantemento e por non darlle o potencial que ten, a vez que á A8 se enche de fochancas. Iso, cando se pode utilizar a causa as mentes brillantes que decidiron levala polas nubes -literalmente-.
Ao igual que outras liñas convencionais de Galicia, e tamén do resto do estado que están abandonadas por completo, existen dúas diferenzas substanciais entre estas, e a nova liña do AVE, a primeira é a cantidade de diñeiro invertida en cada un dos tipos de liña. A segunda, é o servizo que lle prestan aos cidadáns, xa que as liñas convencionais, coma a do FEVE da costa norte galega, teñen o potencial para servir á poboación en xeral, no día a día, mellorando a calidade de vida dos pobos e contribuíndo a sacar vehículos todos os días das estradas para mellorar o medio ambiente, todo isto en liñas xa construídas que só necesitan uso e unhas melloras moito máis económicas que as multimillonarias obras do AVE.
Adrián Piñón Domínguez.
Secretario do Foro Económico de Galicia.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
