Ribadeo, 3 de novembro de 2021. O deputado autonómico e voceiro do Grupo Municipal Popular de Ribadeo, Daniel Vega, salienta que “co novo centro de saúde se incrementarán os servizos sanitarios para os ribadenses”.
O popular lembra que “a construción dun novo centro de saúde en Ribadeo anunciada polo presidente da Xunta o pasado venres despois do Consello da Xunta no que se aprobou o Plan de infraestruturas de Atención Primaria inclúe tamén a implantación de novos servizos”.
Ademais dos servizos que están en funcionamento no actual centro de saúde, o proxecto de construción do novo inclúe a incorporación de cinco consultas máis (que serían dúas consultas técnicas para realizar ecografías, espirometrías, cirurxías menores ou dermatoloxía; dúas consultas para docencia e unha sala polivalente) e un espazo máis para o programa da muller que incorporará aseo e vestiario propio. Incorporarase tamén unha sala de hixienista dental.
No caso do PAC, gañará espazos pasando de 4 a 5 dormitorios, unha sala de observación e un box de críticos das que non ten o centro actual, unha consulta de medicina máis, outro vestiario e outro almacén.
Para o persoal, incluirase un despacho de coordinación e unha sala de estar que, ata agora, non había no actual centro de saúde. E o 061 contará con espazo propio que inclúe aparcamento cuberto para as ambulancias, sala de estar e dous dormitorios para o persoal de ambulancia.
A construción do novo centro de saúde para Ribadeo atópase dentro da fase 1 do Plan de infraestruturas de Atención Primaria, na que se recollen actuacións consideradas urxentes polo Sergas debido ás súas necesidades asistenciais. De feito, os informes sinalan que o actual centro de saúde de Ribadeo non é funcional porque se foron ampliando servizos sen reubicarse de forma ordenada. O espazo para fisioterapia non é suficiente e recollen tamén que non é adecuada a accesibilidade para pacientes e traballadores da área de radioloxía.
O popular urxe ao alcalde e ao goberno do BNG “a poñerse a disposición da Xunta para ceder terreos céntricos e ben comunicados coa autovía para a construción do novo centro de saúde que suporá a mellora da atención sanitaria para os veciños e veciñas. Ribadeo precisa un alcalde que traballe en beneficio dos ribadenses e non un alcalde que poña paus nas rodas a calquera investimento que veña da Xunta, segundo manifesta.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
