Santiago de Compostela, 16 de novembro 2021. A viceportavoz do BNG, Olalla Rodil anunciou que o Parlamento galego activou hoxe a Comisión, “impulsada polo BNG” para a modificación do modelo de financiamento. Grazas ao traballo do BNG, indicou a nacionalista, “Galiza terá algo que decir na negociación do novo sistema de financiamento”. Dende o BNG, recalcou Rodil, poñemos en valor a creación desta comisión que até o 22 de novembro manterá un prazo para que as forzas políticas designen ás persoas que participarán na comisión de estudo e comezar co plan de traballo e formalización das comparecencias.
Políticas activas para loitar contra as violencias machistas
Tras a Xunta de portavoces para elaborar a orde o vindeiro pleno, a deputada avanzou que o BNG centrará as súas intervencións reclamando un papel pro activo das institucións contra a violencia machista, coincidindo coa celebración do 25-N Día Internacional para a eliminación da violencia contra as mulleres.
As institucións, dixo, deben asumir un papel “máis proactivo na detección e intervención fronte á violencia machista”. Non podemos agardar a que as mulleres decidan dar o paso de presentar denuncia porque non é preciso para garantir a súa protección, en Galiza desde 2007 a condición de vítima non require de denuncia nin policial nin xudicial. “Un informe de servizos sociais é suficiente para que todo o sistema de protección social e de axudas se poña en marcha”.
“Sabemos que apenas se denuncian o 20% dos casos de violencia machista. Isto quere dicir que 8 de cada 10 se descoñecen de aí a importancia dos servizos públicos de apoio, asesoramento, prevención e protección fronte á violencia machista”. Neste sentido, Rodil anunciou que o BNG defenderá tres medidas co fin de, “ ampliar e reforzar a rede de CIM de competencia municipal, na actualidade 83 centros de información ás mulleres que cobren 182 concellos (de 313). É necesario, polo tanto, ampliar esta rede para cubrir o conxunto do territorio.”
Ademais, resulta urxente a Formación persoal especialmente do SERGAS e recuperar a presencialidade na atención sanitaria porque “no centro de saúde pódense detectar moitos casos antes de que as mulleres decidan dar o paso para denunciar”.
Por outra banda, exixiremos unha avaliación do protocolo de coordinación interinstitucional incluído no acordo parlamentario “que non se cumpre dende a súa aprobación, hai dous anos”.
A cidadanía non se mobiliza por deporte, reclama os seus dereitos
Entre outros asuntos, o BNG levará ao pleno “a crecente mobilización social e malestar social que as galegas e galegos están a expresar nas rúas”. Neste sentido, a portavoz nacional, Ana Pontón preguntará a Feixóo se está “a tomar nota” do que lle está a dicir a xente, sen ir máis lonxe, o pasado domingo na manifestación convocada por SOS Sanidade pública pero tamén dende os sectores produtivos como o do leite, porque “é imposible vivir do teu traballo se cobras menos do que che custa producir”
“A xente non se mobiliza por deporte senón polos seus dereitos” remarcou.
O BNG tamén defenderá unha Moción para recuperar a presencialidade na Atención Primaria para todas as persoas que o precisen e o soliciten limitando a atención telefónica a tarefas complementarias.
Sobre o sector lácteo o BNG urxirá á Xunta a facer algo máis que “ser simple comentarista da realidade ou ter un conselleiro de Medio Rural dedicado a mandar cartas ao BNG para pedirnos que fagamos o seu traballo”. Debe ser convocada a Mesa do leite e sentar todos os elos da cadea ademais de pedirlle explicacións ás industrias que están pagando en orixe por debaixo do custe.
Olalla Rodil mostrou o apoio do BNG á folga xeral convocada para mañá na Mariña e exixirá á Xunta que defenda a industria, a Alcoa a Vestas, e que abandone as políticas que levaron ao peche a moitas empresas como Ecar e Industrias Pardiñas a Mon, IPV, Conservas Alonso, Muebles Hermida, Gres Burela, Maderas Costiña ou os EREs en Sargadelos.
“O PP está deixándonos cada día unha Galiza máis achicada, máis pequena, e este país merece e ten dereito a moito máis”, concluíu.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
