Lugo, 24 de novembro de 2021. O Partido Popular da provincia de Lugo acusa ao BNG de “mentir” porque “en ningún momento presentou unha emenda para a intervención temporal de Alcoa. Si fala dunha intervención pública; pero non dunha intervención temporal da planta de San Cibrao”, aclaran os populares.
Os deputados populares teñen presentado no Congreso varias emendas aos PGE do Goberno para o 2022 co obxectivo de que se siga producindo aluminio primario na Mariña e que continúen os postos de emprego; pero “foron vetadas -nin sequera as deixou debater- polo Goberno de Pedro Sánchez, que foi apoiado no seu momento polo BNG para converterse en presidente tras chegar a un acordo co PSOE que incluía, entre outras medidas, a aprobación inmediata do estatuto electrointensivo para dar solución a Alcoa. Un acordo que non se cumpriu porque o estatuto aprobado non favorece á industria de aluminio primario”, inciden.
Concretamente, os populares pedían coas súas emendas habilitar unha partida orzamentaria para que a SEPI actuase de forma inmediata na venda de Alcoa a un terceiro. Así mesmo, as emendas do Grupo Popular no Congreso recollían axudas concretas de 600 millóns de euros para a industria electrointensiva debido a que o prezo da enerxía eléctrica supón máis do 50% dos seus custes de produción.
A formación popular lucense defende, como ten manifestado en diversas ocasións, a intervención temporal de Alcoa a través da SEPI para a súa venda a un terceiro comprador solvente.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
