Burela, a 9 de novembro de 2021. O Grupo Municipal Popular de Burela demándalle ao alcalde Llano que poña orde dunha vez por todas no caótico servizo de recollida do lixo e limpeza viaria. O voceiro popular en Burela, Manuel Rouco, considera que “non se están a cubrir na súa totalidade os postos de traballo que o prego de condicións deste servizo demandaba; xa que agora debería haber como mínimo 20 traballadores na rúa e hai 18 coa conseguinte merma da calidade dos servizos”.
Os populares xa lle demandaran ao rexedor socialista o mes pasado unha copia da relación de traballadores que están este ano dados de alta e, como non podía ser doutro xeito, fixo oídos xordos e ocultou dita información ao non ser transmitida en tempo e forma, tal e como marca a lei.
O voceiro, Manuel Rouco, advirte que “todo apunta a que os postos de traballo que non están subrogados están a ter unha rotación de seis meses co que sospeitamos que, deste xeito, a calidade do servizo ten unha merma importante porque aos novos empregados que comezan hai que ensinarlles. Desmóntanse, polo tanto, as declaracións tanto do alcalde coma do concelleiro Fernández Rey cando dicían que o servizo ía estar máis profesionalizado. Pero é todo o contrario: hai máis inestabilidade laboral ca nunca”.
Rouco esíxelle ao alcalde que “explique cales foron os motivos para inflar en 160.000 euros ao ano o importe do servizo de recollida do lixo e limpeza viaria porque non percibimos melloría na calidade deste servizo. Polo tanto, estes cartos poderían estar aforrados e destinalos, por exemplo, a axudas ao sector do comercio, hostalería e familias máis desfavorecidas de Burela ante a crise que se está a vivir”.
Ante “o escurantismo reinante” derivado da adxudicación feita por Llano no que se refire ao contrato de recollida do lixo, o Grupo Municipal Popular tamén solicitou o mes pasado información relativa aos partes de traballo onde se acredite a limpeza dos contedores, o baldeado das beirarrúas ou dos labores de desratización por parte da empresa Urbaser. “Pero nada de nada. Sospeitamos, polo tanto, que non existen tales partes para o control da actividade da empresa concesionaria por parte do equipo de goberno de Llano e, polo tanto, estase a pagar á empresa sen ton nin son”.
Rouco matiza que “isto enlaza coa denuncia feita polo noso grupo fai unhas semanas na que se indicaba que a empresa estaba a ofrecer servizos en concellos limítrofes cos recursos pagados polos veciños e veciñas de Burela e en horario laboral destinado ao noso concello. Mentres, o alcalde Llano mira para outro lado”, condena o popular.
“A pregunta que nos deberiamos facer os veciños e veciñas de Burela é: por que se están a permitir estes desmáns dende a alcaldía? Acaso hai algún favor que pagar por parte do señor Llano e do señor Fernández Rey?”, se pregunta Rouco.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
