Burela, 21 novembro, 2021. Los Cantos viviu un peche vertixinoso da xornada 8 con gran ritmo e ocasións en ambas as filas. O Pescados Rubén Burela FS selou a súa visita á pista do Arriva AD Alcorcón FSF con táboas (1-1). Tras o meteórico gol das locais, aos 15 segundos, o xogo das mariñás insistiu e conseguiu o empate no 18. Na segunda parte, as Guerreiras dispuxeron de inmensidade de ocasións fronte á gran Estela.
As mariñás encaixaron o 1-0 aos 15 segundos de xogo, nun saque de esquina que Tania aproveitou na pugna do rexeite. Responderon as Guerreiras con garra, converténdose Estela nun muro titánico ante Dany no minuto 5. A defensa das alfareiras conseguiu bloquear a Ale e Leti. Volveu aparecer providencial Estela chegando ao ecuador do primeiro acto fronte a Bea Mateos e Dany máis tarde. Xeraron e xeraron as burelistas sen atopar a conexión necesaria na última xogada fronte a un Alcorcón moi perigoso á contra; Sandra Buzón fíxose grande, ante Aída de Miguel nun perda galega, para evitar o segundo das locais. O Pescados Rubén por fin conseguiu o premio merecido antes do descanso, no 18, cunha transición de Dany culminada por Ale de Paz, a pichichi laranxa.
Emilly e Peque tivérona no regreso para poñerse por diante. Estela salvou as madrileñas segundos despois de novo con Emilly e Leti. Alcorcón responderon en rápidos contraataques. Estela apareceu moi oportuna ante a ocasión de Bea Mateos en recuperación chegando ao ecuador; volveron ter outra de ouro en combinación a 14 laranxa con Cami e Peque. Gañaron as burelistas fronte ao desgaste físico das alfareiras. A meta local freou as intencións de Cami no 34. Apostou por xogo de cinco o conxunto laranxa na recta final en busca do gol que se lle resistiu a pesar da insistencia; con 44 segundos para o final Peque protagonizou unha das mellores, que se estrelou contra o pau, sen poder mover o empate.
Ficha técnica
Arriva AD Alcorcón FSF: Estela, Aída de Miguel, Tania, Clau López, Nere Moldes, cinco inicial; tamén xogaron Paula Llorente, Marta Nuño, Laura Oliva, Laura, Iraia, Ballesteros
Pescados Rubén Burela FS: Sandra Buzón, Dany, Peque, Cami, Ale de Paz, cinco inicial; tamén xogaron Cilene, M. Cortés, Emilly, Irene Samper, Bea Mateos, Jozi Oliveira
Goles: 1-0, minuto 1, Tania; 1-1, minuto 18, Ale de Paz
Árbitros: Jarque Ruiz // Moreno Durán. Por Alcorcón amarela para Aída de Miguel (minuto 28), Marta Nuño (minuto 36). Por Burela Emilly (minuto 39), Jozi Oliveira (minuto 39).
Incidencias: Partido correspondente á xornada 8 de Primeira RFEF Feminina disputado en Los Cantos.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
