Ribadeo, 10 de novembro, 2021. O día 2 de novembro de ano en curso recibimos un novo informe do Defensor del Pueblo como resposta á nosa queixa pola falla de información sobre avaliación ambiental do proxecto de cafetería aberta na Illa Pancha o pasado mes de agosto.
En resumo, o escrito do Defensor comunícanos que remitiu a nosa queixa ao Concello de Ribadeo, mais este non aportou a documentación solicitada senón só unha referencia a outros documentos que non se axustan á normativa vixente. O Defensor dirixiuse de novo ao Concello de Ribadeo para que aporte os informes preceptivos, e mesmo á Consellería de Medio Ambiente.
Imos reproducir os parágrafos mais significativos do informe do Defensor:
“(…) no se podrá otorgar la licencia municipal con anterioridad a la declaración de impacto o efectos ambientales dictada por el órgano ambiental competente (…)”
“(…) Esta institución solicitó al ayuntamiento el certificado de no afección del proyecto de obras para el uso turístico y cafetería del faro emitido por el órgano ambiental, pero no se ha recibido (…)”
Como se pode apreciar, o Concello de Ribadeo segue xogando ao gato e o rato co Defensor del Pueblo, e este advírteo de que está en situación de franca ilegalidade aínda que utiliza unha linguaxe máis comedida.
Debemos suliñar aquí que no recurso que presentamos (e publicamos) o día 20 de xullo de 2020 contra a concesión da licencia de obras para a cafetería aportábamos exactamente a mesma argumentación xurídica que agora referenda o Defensor del Pueblo, polo tanto non hai escusa posible dado que chove sobre mollado.
O Concello, ao decidir atrincheirarse no secreto, vese acurralado polo seu propio silencio, e as razóns ocultas que o levan a mantelo a calquera prezo. Unha actitude que non se pode manter. E unha institución como o Defensor del Pueblo da fe de elo.
Agora quédanos esperar. Coma sempre. Non polo concello, senón polo Defensor, que tirándolle das orellas ó concello achega a realidade ó pobo, a nós, a vós.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
