Mondoñedo, 28 de decembro de 2021. A directora xeral de Desenvolvemento Rural, Inés Santé, presidiu esta mañá a entrega de 609 títulos de propiedade da concentración parcelaria de Sasdónigas, no concello lugués de Mondoñedo, dando así por rematado este proceso que supuxo un investimento por parte da Xunta de case 1,5 millóns de euros.
Esta parcelaria comprende unha superficie dunhas 600 hectáreas e beneficia a 255 propietarios, que viron como a superficie media das súas parcelas se multiplicaba por cinco. Así, salientou a directora xeral, pasouse dunhas 3.500 parcelas iniciais a 609 fincas resultantes, o que conlevou unha mellora da estrutura territorial das explotacións da zona e, por tanto, unha diminución nos seus custos de produción.
Neste senso, Inés Santé puxo en valor estes procesos, que se converten nunha ferramenta fundamental para paliar o minifundismo presente na comunidade galega, dende o punto de vista da estrutura da propiedade. Así, a directora sinalou que a día de hoxe quedan 94 procesos abertos, pero que en 56 deles os veciños xa poden facer uso das novas parcelas. Por iso, Santé reiterou o seu compromiso en seguir traballando na finalización destas parcelarias, para as cales hai un orzamento en 2022 de 12 millóns de euros.
A entrega de hoxe súmase ás xa realizadas este ano nos concellos coruñeses de Touro, Coristanco, O Pino, Melide, Ferrol, Carral e Cambre; nos lugueses de Riotorto, Castro de Rei, O Valadouro e Abadín, e no ourensá de Baltar. Ademais, entre o ano 2020 e o que levamos de 2021, a Xunta entregou máis de 17.700 títulos de 16 concentracións parcelarias -sumando a de hoxe- que beneficiaron uns 7.350 veciños propietarios.
Novos procesos decretados
A directora xeral da Axencia Galega de Desenvolvemento Rural lembrou que a Xunta segue decretando novos procesos de reestruturación, fiel ao seu compromiso de declarar novas parcelarias por cada unha que se vaia rematando. Así, Inés Santé lembrou que este ano se decretaron cinco novos procesos, dous deles no concello de Outeiro de Rei e outros tres nos municipios de Ordes, Friol e Castro de Rei. Estas novas concentracións parcelarias -iniciadas ao abeiro da Lei de mellora da estrutura territorial agraria de Galicia (Metaga)- teñen unha concepción moderna da mellora das estruturas, orientadas a favorecer o desenvolvemento económico das explotacións.
Ademais, a través da nova Lei de recuperación da terra agraria de Galicia seguiranse impulsando estes procesos á vez que se aposta tamén por instrumentos de mobilización voluntarios que permitan unha maior participación dos interesados na explotación das terras, como son os polígonos agroforestais, as agrupacións de xestión conxunta da terra, a iniciativa das aldeas modelo ou as permutas de especial interese agrario, entre outras. Precisamente, sinalou a directora, onte mesmo saía publicado no Diario Oficial de Galicia a declaración de inicio dos dous primeiros polígonos agroforestais de iniciativa pública nos concellos ourensáns de Oímbra e Cualedro.
Información xeorreferenciada
Ademais, cabe sinalar que se pon a disposición de todos os interesados a descarga da representación gráfica xeorreferenciada das novas fincas resultantes da concentración parcelaria na páxina web da propia Consellería (https://ovmediorural.xunta.gal/gl/consultas-publicas/concentracions-parcelarias-procesos).
Estes ficheiros descargables, no formato europeo INSPIRE de parcela catastral (GML), poderán ser utilizados para posteriores operacións que necesiten dunha inscrición rexistral. Isto permite dar unha maior seguridade aos datos de ubicación, delimitación e superficie dos predios que sexan obxecto do tráfico xurídico posterior á concentración parcelaria. Deste xeito, dáse cumprimento ao establecido na Lei Hipotecaria e no texto refundido da Lei do Catastro Inmobiliario, trala súa reforma pola Lei 13/2015, do 24 de xuño, como sistema de coordinación entre o Catastro Inmobiliario e o Rexistro da Propiedade, facilitando a incorporación da descrición gráfica xeorreferenciada.
Proxecto produtivo
Doutra banda, aproveitando a visita a este concello lugués, a directora xeral e o delegado territorial da Xunta en Lugo, Javier Arias, inauguraron un edificio para apartamentos turísticos que contou cunha achega de case 188.000 euros do Programa Leader a través do Grupo de Desenvolvemento Rural (GDR) Terras de Miranda. Dita iniciativa contou cunha subvención para financiar a construción de 14 apartamentos cunha capacidade total de 36 prazas, distribuídas en dúas plantas do edificio.
Neste senso, Santé destacou o traballo que realizan estes grupos e a importancia deste programa europeo para levar a cabo diversos proxectos que redundan na mellora da calidade de vida dos habitantes do rural galego, ao implementar servizos que facilitan o seu día a día.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
