Ribadeo, 17 de decembro 2021. O Grupo Municipal Popular de Ribadeo opúxose no pleno á aprobación dos orzamentos municipais para o anos 2022 elaborados polo goberno local ao considerar que son “continuistas e nada ambiciosos”. O voceiro, Daniel Vega, cre que “demostran a parálise dun goberno que non traballa; senón que vive nunha sesta permanente”.
O popular sinala tamén que “un ano máis, o goberno do BNG presenta as contas fóra de prazo. Non o dicimos nós, dino os informes técnicos”. Despois de analizar as contas municipais, Vega explica que “da cifra de 9,8 millóns de euros de orzamento, 1,2 millóns de euros corresponden a inversión real. É dicir, investiranse 300.000 euros menos que este ano para o que as contas municipais recollían 1,5 millóns de euros”. Pero, ademais, deses 1,2 millóns de euros, o Concello só aporta directamente 140.000 euros.
Vega bota en falta “xestión de orzamento para Ribadeo. Este goberno municipal ata agora non xestionou ningún orzamento porque son a Xunta e a Deputación as administracións que lles resolven os problemas. O Concello non aporta nada”.
O Grupo Municipal Popular considera que son cinco as inversións importantes para Ribadeo nestes momentos; pero os orzamentos do goberno local do BNG aportan escasas cantidades ou, na maioría dos casos, non aporta nada. Unha das actuacións que sinalan os populares é a reforma integral do asilo “para a que o orzamento non contempla ningunha cantidade por parte do Concello. A esta finalidade dirixirase a herdanza do doutor Moreda e tamén investirá a Xunta, pero para o goberno local non é prioritaria esta actuación”, remarca.
Vega engade que tampouco se contempla ningunha partida orzamentaria para ceder á Xunta o terreo necesario para construír o novo centro de saúde. “Os 0 euros que dirixe demostra o compromiso do goberno local” con esta nova dotación sanitaria para Ribadeo.
Son tamén “0 os euros que dirixe o goberno local ao saneamento de Ribadeo”. E para o abastecemento da auga, os orzamentos municipais contemplaban 95.000 euros para o 2021 e redúcense ata os 25.000 euros para o 2022”. É máis, Vega sinala que “o BNG leva 16 anos no goberno e non arranxou nin 1 km de tubaxe da auga”.
Tamén é “ridícula” a cantidade que prevé o goberno do BNG dirixir ao arranxo de vías municipais cando “dende o Grupo Municipal Popular reivindicamos unha planificación seria de actuacións tanto na vila coma no rural”.
Xestionar orzamento para Ribadeo e impulsar a economía
“O goberno local do BNG non prioriza o que é importante para os veciños”, indica Vega. Fronte a esta situación, os populares apostan por “xestionar orzamento para todos os ribadenses e impulsar a economía local”.
En relación á dinamización da economía local, o voceiro do Grupo Municipal Popular criticou tamén que “estes orzamentos non eliminen ningún tipo de imposto ou taxas municipais”. Isto supón que “o goberno do BNG non prevé promover ningún tipo de medida para promocionar a instalación de empresas no polígono industrial; mentres que outros concellos bonifican os impostos relacionados coa actividade empresarial nun 95%”.
A este respecto, os populares propuxeron no pleno a rebaixa do Imposto de Bens Inmobles (IBI), o Imposto de Actividades Económicas (IAE) e o Imposto sobre Construcións, Instalacións e Obras (ICIO) porque consideran que “o Concello de Ribadeo debe promocionar a actividade económica e o polígono industrial”.
Incremento da débeda
Vega condena tamén a xestión económica deste goberno municipal que “case dobrará a débeda do Concello. Se o 1 de xaneiro do 2022 a débeda real será de 1 millón de euros, o 1 de xaneiro do 2023 será de máis de 1,8 millóns de euros”. Polo tanto, “este ano a débeda incrementarase en 800.000 euros”, explica.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
