Viveiro, 19 de decembro, 2021. O BNG de Viveiro vén de celebrar a asemblea na que se aprobou a composición da nova executiva local, proceso necesario trala celebración da XVII Asemblea Nacional do Bloque Nacionalista Galego.
A nova Responsábel Local será Iria Cotelo Cociña, xunto a Ramón Martínez Castro como Vicerresponsábel e membro do Consello Comarcal. Iván Pena Muras, que continuará como responsábel na Área de Comunicación e Santi López Chao na Área de Organización completan a nova executiva, que se complementa co resto de persoas que integran a Asemblea Local que en equipo desenvolven un traballo rigoroso, combinando a frescura de novas caras coa experiencia das máis veteranas.
O obxectivo da nova dirección é continuar en contacto coa cidadanía para trasladarlle que hai outra forma de facer política pegada ás persoas, que a alternativa do BNG é sólida, e que Viveiro ten todo o potencial para convertirse nun modelo de concello habitábel, saudábel, seguro, inclusivo e verde, onde a veciñanza será o eixo central, seguindo o exemplo de concellos BNG como Ribadeo e Barreiros.
Iria Cotelo agradeceu a todxs xs compañeirxs o apoio e a confianza: “Resulta gratificante asumir esta nova etapa en conxunto cunha equipa capacitada, comprometida, motivada e con ganas” , e afronta este reto de cara ás próximas municipais convencida de que o BNG é a única opción sólida, “cada vez son máis as persoas que achegan as súas inquedanzas á organización e que avalan o noso traballo, o cal nos da aínda máis forza para seguir sumando en contacto coa veciñanza para demostrar que temos un proxecto, que é viábel, que existe outra forma de facer política, e que existe alternativa para Viveiro”.
Pola súa parte Míriam Bermúdez, continuará a representar á organización como portavoz municipal, “cun traballo na corporación impecábel e diferenciada do resto, defendendo firmemente e desde o primeiro momento os intereses xerais da veciñanza de Viveiro”, destacou a asemblea do BNG de Viveiro, quen defenderon o traballo realizado desde a oposición “con propostas en positivo, con alternativas e con proxección de futuro”.
Míriam Bermúdez agradeceu a implicación da asemblea co reparto de cargos e traballos o cal favorecerá a que o BNG continúe en alza e crecemento continuo na localidade, sendo isto “a mostra de que contamos cun proxecto sólido e apegado á realidade social, tal e como o facemos ver coas numerosas iniciativas presentadas e defendidas até o momento”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
