Viveiro, 27 de decembro, 2021. “De teatro” tacha o BNG a escenificación constante que fan xs concelleirxs do PSOE e Por Viveiro nas sesións plenarias. A última, coa moción para a creación dun coworking, proposta que levou a pleno PorViveiro e que defendeu das palabras da oposición a portavoz do PSOE, María Loureiro.
Na sesión plenaria a concelleira do BNG Míriam Bermúdez afirmou que “un centro de negocios, ou coworking, debe contar coa intensa colaboración dos servizos municipais de emprego, algo realmente complicado para o Concello de Viveiro cando non están cubertos os postos de técnica de emprego nin a de orientación laboral, prazas vacantes dende hai anos. Crear un centro de negocios municipal con estas áreas sen persoal sería comezar a casa polo tellado”, recalcou Míriam.
As deficiencias no persoal laboral do concello é algo no que o BNG xa leva meses incidindo, sendo incluso proposta para os orzamentos municipais.
A concelleira nacionalista destacou con enorme ironía: “o gran interés na creación de emprego que ten este co-goberno de María e Bernardo demóstrase nos orzamentos aprobados conxuntamente coa mesma gran partida na promoción de emprego ano tras ano duns valiosísimos 100€”.
Desde o BNG, acreditamos no enorme potencial de xente emprededora, innovadora e con gran capacidade que temos no concello de Viveiro, moitas destas persoas xente nova con ganas de ter un futuro mellor e que para nós é unha prioridade. Polo que sempre apoiaremos medidas que fomenten o traballo e o emprego, como neste caso os espazos de traballo compartidos e que xa tiñamos recollido no noso programa de goberno a creación dun centro de negocios municipal gratuíto para xente emprendedora na primeira fase de despegue do seu proxecto.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
