Viveiro, 4 de decembro, 2021. Poñer unhas simples indicacións e/ou gravar unhas rutas para colgar na web oficial do Concello de Viveiro a disposición da veciñanza, parece ser unha odisea para o Goberno Municipal do PSOE de Viveiro.
Un ano pasou desde que foi aprobada a moción do BNG para a sinalización de roteiros de sendeirismo e outras disciplinas, e que a pesares das insistencias por parte dos nacionalistas para que estes roteiros foran sinalados antes do verán, nada hai a dia de hoxe a disposición da veciñanza. “Con este 2021 sumamos un verán máis sen alternativas saudábeis e de ocio para a xente que descoñece os nosos montes e o patrimonio natural que abranguen”, apunta Míriam Bermúdez, quen lamenta a “pouca disposición” do goberno actual.
Unha vez máis, o BNG resalta a falta de cumprimento de maneira sistemática por parte do Goberno de María Loureiro ás propostas da oposición, tal e como xa demandou o BNG reunindo a toda a oposición de Viveiro hai perto dun ano, sacando unha moción conxunta para o respecto dos acordos plenarios.
Os nacionalistas afirman que preguntarán no vindeiro pleno para saber que fixo o goberno socialista por cumplir co acordado, que xa vai fóra de tempo.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
