Santiago de Compostela, 2 de decembro 2021. A portavoz de Orzamentos, Noa Presas, o portavoz de Medio Ambiente, Luís Bará e a portavoz do BNG en Europa Ana Miranda, mantiveron un encontro no parlamento galego para abordar “a falta de execución, do Goberno galego dos Fondos europeos 2014-2020 para saneamento e depuración”.
Presas expresou a preocupación do BNG “ante a falta de dilixencia e transparencia” do goberno de Núñez Feixóo na execución dos fondos FEDER, 2014-2020. Para a deputada, o saneamento e Medio Ambiente deben ser dous piares cara a modernización de Galiza e nese sentido, anunciou “unha forte ofensiva institucional” para que o Goberno galego rectifique e deixe de “ser un obstáculo” para os fondos europeos e a súa xestión.
A portavoz do BNG en Europa, Ana Miranda lembrou que Galiza ten unha “posición subordinada” nos fondos europeos, de cohesión e ordinarios, a pesar das competencias exclusivas para eses fondos. Para a portavoz nacionalista en Europa, existe un “risco de centralización” ao que sumou a “ineficacia do goberno de Feixóo”. Nesta liña, apuntou que a viaxe do titular do goberno galego a Bruxelas obedeceu a petición “dunha reprogramación dos fondos 2014-2020”. Ademais, o propio director de política de coexión da Comisión europea alertaba de que tanto o Estado español como Galiza eran os territorios con “maior retraso” de toda Europa na execución dos fondos, abondou.
Feixóo pide a Bruxelas unha prorroga para reprogamar os fondos
A maiores, Miranda denunciou “a falta de transparencia do Goberno galego na execución dos fondos” porque “non hai datos” como afirma o propio Consello de Contas.
Sabemos con certeza, afirmou, que a Xunta quere reprogramar os fondos no ano 2022 para utilizar este gasto en saneamento e depuración de augas para outros fins e o saneamento dos ríos e das rías non estarán presentes no programa, na xestión e execución dos fondos europeos cando estaban reflectidos no ano 2014, indicou.
Por outro lado, lembrou que a partir do 2021 ao 2027 a Comisión europea non considerará unha prioridade o saneamento das augas polo que reclamou unha explicación da actual situación dos fondos europeos porque continúan existindo “moitos pozos negros, moitas depuradoras sen facer e moitas rías sen depurar”.
Reprogramar os fondos para outros fins “é unha trampa”, recalcou Ana Miranda ao que sumou a preocupación de moitos concellos galegos para acadar financiamento para iniciar o saneamento e depuración de augas. “Galiza non conta cunha boa administración para xestionar os fondos europeos” e anunciou que o BNG trasladará á Comisión europea “o retraso, neglixencia e falta de transparencia do goberno galego” na xestión dos fondos europeos.
O goberno galego deixou sen executar 115 millóns de euros
O portavoz de Medio Ambiente, Luís Bará explicou que a partida para saneamento e depuración contaba cunha partida de “175 Millóns de euros” cunha execución do 35,86%, quedando “ 115 millóns de euros sen executar” e ante a “ameaza firme da Comisión europea” por sancións ao Estado e Galiza pola baixa calidade das augas abre a posibilidade de “multas graves pola falta de execución dos fondos”.
Por outra banda, criticou que a Xunta e Augas de Galiza continúen presumindo de facer ben o seu traballo e culpabilizando aos concellos cando en realidade, Augas de Galiza non “executa os fondos”.
O BNG, engadiu o deputado, presentou unha batería de iniciativas pedindo explicacións ao goberno galego e a Augas de Galiza sobre as medidas previstas para executar os fondos pendentes para o 2021-2027 ante o “risco” dun atasco para a licitación de proxectos que solapen os pendentes do ano 2020 con novas convocatorias.
Tamén solicitamos a comparecencia da conselleira de Infraestruturas porque, tanto a consellería como Augas de Galiza deben “poñerse as pilas” para cumprir os plazos e resolver a falta de calidade dos ríos e rías e que sexan exultados os 115 millóns pendentes.
Dende o BNG, recalcou Bará, “non imos consentir que os fondos se reprogramen e sexan designados a fins diferentes para os que estaban previstos”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
