Burela, 4 de decembro de 2021. A Asociación de Comerciantes, Industria e Autónomos de Burela presenta a campaña ‘Vive un conto de Nadal con ACIA Burela’ que contará con diversas actividades para todas as idades.
A iniciativa comezaba onte co alumeado das luces de Nadal na Praciña do Concello, onde se atopa a tradicional árbore de Nadal da asociación empresarial. A esta actividade séguenlle outras como: o concurso de selfies, o sorteo de dúas viaxes a Disneyland Paris ou o concurso de escaparates.
O concurso de selfies durará o mesmo tempo que a campaña, é dicir, dende o 10 de decembro ata o 5 de xaneiro. Para participar nesta actividade hai que ser maior de idade, ter conta en Instagram ou Facebook, subir unha fotografía nunha das praciñas decoradas con motivos de Nadal que hai na vila, etiquetar a ACIA Burela e poñer o cancelo #praciñasnadalBurela. Os gañadores ou gañadoras serán os que consigan máis me gusta nas redes sociais e serán premiados con 300 euros en vales de compra. As praciñas decoradas a cargo de ACIA Burela serán cinco e levarán os seguintes noves: a de Papá Noel, dos Reis Magos, da Estrela, da Paz e a do Boneco de Neve; en todos estes espazos haberá actuacións musicais. Ademais, Papá Noel e os seus elfos visitarán os establecementos e praciñas da vila durante a iniciativa para animar o Nadal.
O día da lotería, o 22 de decembro, haberá que estar moi atentos ao sorteo porque cada tríptico da actividade ‘Vive un conto de Nadal con ACIA Burela’ ten unha participación de 5 céntimos do número 84803.
Entre a clientela dos comercios locais participantes na campaña ‘Vive un conto de Nadal con ACIA Burela’ sortearanse dúas viaxes para tres persoas a Disneyland Paris. O primeiro sorteo realizarase o 27 de decembro (entre as rifas entregadas ata o día 24) e o segundo o 5 de xaneiro (entre as dadas ata o día anterior).
O concurso de escaparates premiará aos establecementos que mellor decoren os seus negocios. Nesta competición haberá dúas categorías: comercios e hostalería – alimentación. Os premios serán dous por modalidade: un primeiro de 400 euros en vales de compra e un segundo de 250. Para decidir os gañadores ou gañadoras haberá un xurado independente e profesional. Ademais, haberá un premio tamén para o establecemento que consiga máis me gusta nas redes sociais.
Para rematar, haberá o tradicional buzón dos desexos solidarios que este ano, por mor das circunstancias sanitarias, será de xeito online a través do correo electrónico de ACIA Burela (aciaburela@gmail.com), asunto: DESEXO SOLIDARIO NADAL 21-22. O 30 de decembro pecharemos este buzón dos desexo solidario. Entre todas as solicitudes faremos realidade un deles, sempre que poidamos.
Todas estas actividades teñen por obxectivo impulsar e promover as compras durante o Nadal no comercio de proximidade para que, un ano máis, a veciñanza e visitantes volvan confiar as súas mercas nas tendas da vila para así medrar xuntos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
