Viveiro, 17 de decembro de 2021. O Concello de Viveiro presenta a súa programación para estas festas de Nadal, ofrecendo opcións para todas as idades. Este programa súmase aos primeiros espectáculos xa anunciados para esta fin de semana, así como aos obradoiros propostos para a infancia.
“Este ano decantámonos por un programa de pequeno formato, que nos permita manter a atención á evolución sanitaria pero sen perder a maxia e a ilusión que caracterizan estas datas”, subliña Lara Fernández Fernández-Noriega, concelleira de Cultura.
A programación de Nadal comezará o próximo martes 21 de decembro, co concerto de Petit Band do Conservatorio Profesional de Música de Viveiro, e estenderase ata o próximo 8 de xaneiro.
Está prevista a visita a Viveiro de Papá Noel o próximo 24 de decembro, día no que se realizarán tamén roteiros de Nadal no Vivertren e a actuación “Troula de Noite Boa”, con animación musical para a rapazada.
Ademais, Viveiro recibirá os concertos de Carmen Díaz, Joni Ramos e Sundar Morning Club, ambos o día 25 de decembro. A Banda de Música Municipal de Landro actuará o día 30 mentres que o 31 de decembro, Viveiro acollerá a troula de fin de ano “Los Alcántara”.
O día 2 de xaneiro será a quenda do concerto de Lara Rodríguez. O día 5 de xaneiro, os Reis Magos visitarán Viveiro nas súas carrozas. Neste día, tamén será posible realizar algún dos percorridos do Vivertren.
A programación rematará o 8 de xaneiro co espectáculo Xampatitopato dirixido ao público familiar no Teatro Pastor Díaz. Contacontos, espectáculos de maxia e pasarrúas completan a programación destas festas.
“Quixemos contar con grupos e artistas locais, sobre todo despois dos meses máis duros da pandemia”, engade Fernández-Noriega.
Esta programación súmase ao recentemente inaugurado Belén “Viveiro ante o Berce”, considerado un dos máis importantes de Galicia e ubicado no atrio da igrexa de Santa María.
“Agardamos que a cidadanía goce desta ampla programación, así como do noso tradicional Belén e do espléndido alumeado. De seguro, tamén atraerá numerosos visitantes para desfrutar do noso comercio e hostalaría en Nadal”, recalca María Loureiro, alcaldesa de Viveiro.
Os espectáculos que se realicen na Praza Maior organizaranse baixo unha carpa. Como a todos os espectáculos, a entrada será de balde e as cadeiras dispoñibles ocuparanse ata completar aforo.
Por último, dende o Concello de Viveiro incídese en que esta programación pode estar supeditada a cambios en función da situación sanitaria. Ampliarase información de cara aos días 24 de decembro e 5 de xaneiro sobre os detalles das visitas de Papá Noel e os Reis Magos á vila.
O goberno local pide á cidadanía que respecte en todo momento as normas COVID-19, co obxectivo de garantir a seguridade sanitaria nos espectáculos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
