Santiago de Compostela, 1 de decembro de 2021. A parlamentaria socialista Patricia Otero reclamou hoxe “a implicación da Xunta a medio e longo prazo” para manter a actividade de Vestas, en Viveiro, logo de que anunciaran o peche de actividade con “evidente mala fe”. Otero presentou unha pregunta oral en Comisión parlamentaria para reclamarlle ao goberno galego que “deixen de botar balóns fora e asuman as súas competencias en materia industrial”.
Sinalou que “por moito que saquen o argumento da transición xusta –que non llelo compra ninguén na comarca cando falan dunha empresa de renovables con actividade e pedidos como Vestas-, precisamos feitos”. Subliñou que “os veciños da comarca e os traballadores da empresa non precisan de máis enganos nin manipulacións nin que terxiversen a realidade” nun caso evidente de deslocalización, senón que o Executivo autonómico “pase das palabras aos feitos”.
Sinalou que “é un problema que debe de resolver a Xunta, máis aló da colaboración e apoio do goberno central”, antes de afearlle ao Executivo autonómico que “para demandar colaboración e lealdade, vostedes son pouco leais coas outras administracións”. Criticou que agora tomen con relación a Vestas a mesma posición que lle criticaban ao goberno central con relación a Alcoa.
Explicou que “non se pode entrar a analizar as causas alegadas pola empresa por estar nun período de consultas, e tampouco se pode falar das ofertas de posibles compradores, xusto o que lle criticaban antes ao Executivo central”. Ademais, dixo, mentres sinalan que a autoridade laboral da Xunta “alega que non pode ir máis aló de requirir documentación”, é certo que “poderían poñerlle o ERE máis difícil a Vestas”.
Neste momento, dixo, os traballadores necesitan apoio para acudir aos tribunais logo de que rematara o período de consultas sen ter chegado a un acordo. O que non necesitan, puntualizou, é un novo enfrontamento da Xunta, que ten deixado sen convocar a Mesa Industrial alegando que o Executivo se ausentaría, aínda que había tiña tres técnicos dispostos a sentarse e cando as competencias son exclusivas do goberno galego.
Manifestación
Otero reclamoulle ao goberno galego que poña en marcha un plan industrial para frear a desindustrialización a comarca, como lle teñen reclamado os veciños e veciñas da comarca a voz en grito na última manifestación con motivo da primeira folga xeral comarcal convocada na Mariña, reclamando infraestruturas, sanidade e industria.
Precisamente, lembrou que o lema daquela manifestación pedía “Futuro para A Maria, industrial, infraestruturas e sanidade”, mentres o PP “derivouno unicamente á situación de Alcoa e Vestas para botar balóns fora e culpar de tódolos males ao presidente do goberno”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
