Burela, 2 de decembro de 2021. A área recreativa do Monte Castelo conta cun telescopio panorámico que se ven de instalar e que será un novo atractivo tanto para Burela como para esa zona, segundo o alcalde, Alfredo Llano.
O rexedor contou que “temos un atractivo novo na área recreativa do Monte Castelo, onde se acaba de instalar un telescopio panorámico de alta calidade e que ten incorporada unha brúxula que indica para onde se está a mirar. Vaise colocar tamén un panel informativo onde se pode apreciar todo o litoral, o que tamén será unha axuda para orientar o telescopio a aqueles sitios onde se queira dirixir”.
Para Llano “isto é un atractivo máis para a área recreativa do Monte Castelo e para Burela. Todos somos partícipes disto e debe ser considerado como un patrimonio común e compartido de toda a xente de Burela e dos que veñan visitarnos. Debemos coidar que iso siga aí ben en todos os momentos, que estea sempre funcionando perfectamente e que sirva para contemplar as marabillas e a extraordinaria visión que se pode apreciar desde o Monte Castelo.
O alcalde burelés dixo que “é un atractivo que combina a cuestión turística coa medioambiental porque tamén se van facer unha serie de plantacións e melloras como a creación dun xardín botánico e a plantación de árbores na zona de Pomeda, ademais de aumentar un pouco máis a ruta circular que temos, para darlle unha visión nova, para que a xente poida andar arredor de Burela. E na Vila do Medio, onte está a fonte e o lavadoiro, esa zona etnográfica na que hai cerca un muíño, tamén se está preparando para que sexa atractiva e que a xente que vaia facendo a ruta se poida sentar e descansar e incluso merendar nas mesas que se están a colocar”.
Alfredo Llano subliñou que “con todo isto trátase de que Burela teña máis atractivos para animar á xente a visitarnos, que vaia ata a área recreativa do Monte Castelo e que faga algunha das rutas de sendeirismo, o que é moi bo para facer educación física pero tamén cultural e etnográfica”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
