Santiago de Compostela, 3 de Decembro 2021. A portavoz nacional, Ana Pontón, aproveitou a súa visita á cidade da muralla para reclamar como “asunto de país” poñer a Lugo no mapa do tren do século XXI, e acabar cunha discriminación que lle esta facendo perder oportunidades de desenvolvemento económico e social.
“Lugo leva décadas discriminada, cunha autovía inconclusa, sen conexión directa por tren con Santiago e cunha liña decimonónica coa Coruña, hai que situar Lugo no mapa do tren e debe ser unha cuestión de país, posto que hoxe perde oportunidades económicas e de desenvolvemento pola falta de infraestruturas”, argumentou a líder nacionalista.
Para iso, urxe, en primeiro lugar modernizar a liña de conexión coa Coruña e, en segundo lugar, corrixir a anomalía de que esta sexa a única capital de provincia sen conexión directa coa capital de Galiza, sintetizou, enlace que se resolvería cunha obra de 27 quilómetros de vía para conectar as paradas de Curtis e Ordes creando unha traxecto directo desde Lugo a Compostela.
Benvida a chegada do AVE aínda que sexa con trinta anos de retraso e, de momento só até a Ourense, indicou, “pero o futuro pasa por un tren interior do século XXI que conecte vilas e cidades, capaz de vertebrar o territorio e de xerar oportunidades no económico e no social”. Neste sentido, o BNG emprendeu unha campaña de mobilización buscando a implicación tanto do Goberno central como da Xunta.
Pontón visitou á praza de abastos co grupo municipal liderado polo tenente de alcalde Rubén Arroxo, para coñecer unha das actuacións estrela impulsadas polo Bloque desde o Executivo local: a humanización, e peatonalización de espazos públicos así como a recuperación e modernización de infraestruturas a favor do comercio local e do produto de proximidade.
“Apostar polo local porque crea emprego e ademais potencia unha produción de calidade”, alegou Pontón, proxectos cos que o BNG está “transformando” Lugo para devolverlle a cidade ás persoas e, ao mesmo tempo, facilitar a dinamización económica. “Os mercados municipais son clave, de tal xeito que se recupera un espazo pero tamén se pon en marcha un proxecto de impulso á economía local, dándolle unha vía de comercialización”, indicou.
A líder nacionalista fixo referencia á crise industrial na provincia, con ALCOA e VESTAS como exemplos, “ante un Feixóo que en lugar de buscar solucións busca culpables e non foi capaz de salvar nin unha soa empresa en crise, cando debería estar liderando a intervención pública para salvar a factoría de San Cibrao. PP e PSOE teñen que explicar porqué votaron en contra da emenda do BNG aos orzamentos do Estado precisamente para sufragar esa intervención”.
Criticou tanto a actitude de Feixóo como a actuación da ministra de Industria, Reyes Maroto, “ambos coinciden en vendernos motos mentres votan en contra de que os orzamentos do Estado teñan recursos para poder levar a cabo a intervención pública de ALCOA, enganando á cidadanía. Se a fábrica en lugar de estar en San Cibrao estivese en Madrid, o problema estaría solucionado, porque Ayuso “non é santo da miña devoción, pero non permitiría que lle tomasen o pelo como está pasando con Feixóo”.
En relación a VESTAS, demandou ao xefe do Executivo vincular a concesión de novos parques eólicos a que unha parte dos compoñentes se fabrique aquí, acabando co disparate de que empresas do sector pechen en pleno boom eólico depredador.
Cumprir os acordos
En relación ás últimas declaracións da ministra de Transportes, cuestionando a posibilidade de transferir a Galiza a xestión da AP9, Pontón reclamou tanto a Sánchez como a Feixóo que se poñan a traballar para que esa transferencia sexa efectiva a través da lei que se está tramitando no Congreso, subliñando que as transferencias sempre van acompañadas de recursos. “O Goberno debe cumprir o acordo de investidura co BNG e á Xunta pedímoslle que non torpedee a transferencia dunha infraestrutura básica”, reclamou.
Ademais, lembrou, a propia Comisión Europea acaba de abrir unha vía ao declarar ilegal a ampliación das prórrogas da concesión da autoestrada. “Hai que traballar para conseguir non só a transferencia senón unha AP9 libre de peaxes como xa o son as autoestradas coetáneas”, recalcou.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
