Ribadeo, 27 de decembro de 2021. Ribadeo ten unha incidencia de 50 casos de covid a 14 días. O alcalde, Fernando Suárez, amósase preocupado por estes datos, subliña que a hostalería está a actuar con compromiso e con dilixencia e que a cidadanía, en termos xerais, tamén o está a facer ben. O rexedor alude ás queixas da veciñanza e pide que a Xunta corrixa as demoras nos rastrexos e na realización das probas PCR “porque sen un bo sistema de control e localización, quizais se acaben tomando medidas inxustamente contundentes contra unha poboación que non está actuando mal”.
Suárez Barcia declarou que “temos preocupación polos datos que se están revelando no estado, en Galicia e na Mariña e desde logo que Ribadeo tampouco pode ser unha excepción. A día de hoxe os datos oficiais din que temos 50 casos a 14 días. Pero falando de Ribadeo tamén vemos varias cousas que compre ter en conta porque, por unha banda, vemos que a hostalería funciona ben, está a actuar con compromiso e dilixencia, pero preocupados loxicamente polo que a Xunta poida decretar”.
O alcalde ribadense dixo que “vemos tamén que a cidadanía en termos xerais, que poderíamos dicir unánimes, faino ben. Non é que o diga eu, calquera pode botar un ollo ás rúas cheas de xente e todas as persoas están coa máscara posta, tanto en interiores como en exteriores. Vemos tamén que a xente masivamente vacínase, aínda que algunhas persoas, non moitas, de xeito obtuso e totalmente errado, ao noso xuízo, non queren poñer a vacina e non se quere inmunizar co que isto supón para eles e para os que están ao seu redor”.
O rexedor indicou que “tamén estamos a ver, en numerosos casos, queixas polas enormes demoras nos sistemas de rastrexo e probas PCR. Sabemos de moitos casos de xente que se confina por precaución, por teren contactos estreitos con outras persoas positivas, e teñen que agardar durante días para que lles dean unha cita para facer a PCR, cita que ás veces chega con moita demora e outras seguen agardando aínda”.
Para Suárez Barcia “isto é algo que a Xunta debera corrixir e reforzar con contundencia porque sen un bo sistema de control e localización quizais se acaben tomando medidas inxustamente contundentes contra unha poboación que non está actuando nada mal”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
