Cervo, 22 xaneiro de 2022. Este pasado mércores, o rexedor Alfonso Villares mantivo unha reunión con Alfredo Bea e Martín Carballo, Presidente e Delegado da Federación Galega de Piragüismo, xunto con Manuel Gómez, representante do club local C.D. San Ciprián, para abordar a mellora das infraestruturas deportivas do encoro de Riocobo.
Neste encontro tratáronse diferentes fórmulas, que teñen como obxectivo dotar á localización dunhas instalacións que permitan, por un lado, facilitar os adestramentos aos deportistas que xa utilizan o embalse de xeito habitual, e por outro, ter capacidade de atracción para que novos padexeiros queiran exercitarse nel.
Na actualidade adestra en Riocobo con regularidade o Club de Piragüismo San Ciprián. O club conta coa cesión de dous habitáculos situados na parcela á beira do embalse, que utiliza como almacén para o seu equipamento, así como vestiarios e unha pequena oficina para acometer diferentes trámites administrativos.
Nestes intres o club local xa conta con máis de 50 padexeiros e padexeiras, que se reparten nas diferentes categorías de base.
Sinala o alcalde Alfonso Villares que “a mellora de infraestruturas deportivas no encoro de Riocobo sería un pulo para este deporte no noso municipio e na comarca, posto que se trata dun sitio privilexiado para esta práctica deportiva que, nas condicións axeitadas, poderíase converter no epicentro do piragüismo da Mariña”.
Engadiu o rexedor que “desde o Concello de Cervo queremos apoiar a un club que traballa a base e pretende consolidarse, como é o C.D. San Ciprián” e subliñou que “desde o noso equipo de goberno apostamos decididamente pola práctica deportiva, e imos traballar decididamente para mellorar as infraestruturas dentro do noso municipio”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
