Viveiro, 25 de xaneiro de 2022. O Concello de Viveiro informa aos seus veciños da publicación no DOG de hoxe, 25 de xaneiro, dunha nova convocatoria de axudas do Agader dirixida á ampliación e modernización de todo tipo de pequenas empresas que desenvolven actividades non agrarias.
O prazo de presentación de solicitudes é dun mes dende hoxe. A concesión das axudas será en concorrencia competitiva e os promotores en ningún caso poderán ter iniciados os investimentos antes da data da solicitude.
Os posibles beneficiarios son as microempresas e pequenas empresas ubicadas en zona rural, as persoas físicas que residan nunha zona rural, e os titulares ou membros dunha unidade familiar dunha explotación agraria que diversifiquen as súas actividades en ámbitos non agrícolas, desenvolvendo o seu proxecto na propia explotación
Os proxectos deben ter un orzamento elixible superior a 10.000 euros e inferior a 220.000 euros. No caso de proxectos promovidos no sector da artesanía, os límites anteriores quedan establecidos en 5.000 e 100.000 euros, respectivamente.
Poden acceder as industrias, fábricas e locais destinados á produción de bens e materiais; as empresas que transforman e comercializan produtos agrarios; as que se adican á prestación de servizos en calquera sector económico ou á prestación de servizos sociais; actividades de ocio, recreativas e deportivas; artesanía e actividades artesanais; actividades baseadas na innovación tecnolóxica e no comercio electrónico; actividades nos sectores da enxeñaría, arquitectura, servizos técnicos, limpeza industrial e veterinaria, e comercio polo miúdo.
Con carácter xeral, será subvencionable a compra de maquinaria e equipamentos novos afectos á actividade empresarial, e que sexan necesarios para desenvolvemento da actividade produtiva da empresa. O importe da axuda é do 45% dos gastos subvencionables.
Para calquera dúbida: infoagader@xunta.gal ou nos teléfonos 981547382 – 981547369 – 981542690.
Máis info: www.xunta.gal/diario-oficial-galicia
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
