Riotorto, 14 de xaneiro de 2022. O Voceiro Socialista, José García avanzou hoxe o voto en contra do Partido Socialista para a compra da parcela por parte do Concello de Riotorto co fin de cedela gratuitamente a Sogama, co para ubicar en Vilaseca a nova planta de residuos. “O PP quere instalar unha planta en Riotorto sen diálogo, nin consenso e contando só co criterio político do Alcalde”.
“Vamos a celebrar un pleno no que o Alcalde quere aprobar a compra desta parcela ubicada preto da Cruz da Cancela, no lugar de Vilaseca, e propón gastar fondos municipais destinados a obras para esta transacción por un importe de 36.000 euros, iso si, con fondos de tódalas veciñas e veciños. Xa que da partida que existía no Concello para obras e que estaba dotada con 80.000 euros, agora con esta compra vese reducida aos 44.000 euros”, insistiu.
“Os viais municipais das parroquias de Riotorto precisan de arranxos e melloras como vimos denunciando sistematicamente nos últimos anos, e tamén hai que realizar obras de saneamento no rural. Polo tanto non podemos permitir malgastar os recursos económicos do concello en obras alleas á vila”, espetou.
Ademais hai que lembrar que o PP sigue sen dar explicacións sobre cales son os motivos da súa insistencia en instalar unha planta de tratamento de residuos en Riotorto “a pesar da oposición veciñal e institucional a esta iniciativa”. Por iso criticou “a falla de diálogo e de consenso da Conselleria con concellos afectados, e o máis importante, sen escoitar ao conxunto da veciñanza e dos alcaldes, para que entre todos falen para buscar o mellor emprazamento”.
José García tamén explicou que se dirixiu no dia de onte, xoves día 13 de xaneiro, ás oficinas municipais do Concello de Riotorto para seguir realizando o seu traballo de concelleiro. “Estaba falando cun funcionario nunha oficina municipal interesándome pola tramitación de expedientes que tiña solicitados por rexistro, como fago habitualmente. Nese intre o Alcalde entrou nesa estancia e díxolle ao funcionario, sempre segundo a miña versión: que aquí non realizaban escritos para o oposición. Esta é a faciana do alcalde do PP de Riotorto, caciquismo, prepotencia e chularía, cando foi o propio secretario do Concello quen lle ordenou ao funcionario realizar ese escrito. Así trata o Alcalde aos empregados públicos municipais. Eu ordeno, eu mando”, criticou.
Expedientes solicitados dende fai meses
O Voceiro Socialista acudiu ás dependencias municipais para interesarse pola tramitación de expedientes solicitados no rexistro. “Concretamente unha solicitude con data de rexistro do 21 de setembro sobre o expediente de Sogama, outros dous escritos do 19 de agosto, relacionados coa adquisición de terreos para a residencia da 3ª idade e o saneamento de Mundin e Horto Vello, e por último un escrito do mes de maio sobre facturas relacionadas con bombas de abastecemento na Muxueira e Aldurfe”. “Esta é a democracia do PP de Riotorto, ocultar información aos concelleiros da oposición dende fai meses, e utilizar o concello con tintes caciquís”, espetou.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
