Barreiros, 15 de febreiro, 2022. Este curso a nova directiva xunto co equipo docente queren impulsar e dinamizar o colexio nunha aposta pola calidade educativa.
Até o de agora o colexio xa contaba con multitude de servizos como : servizo de comedor e transporte escolar entre as parroquias e mesmo a posibilidade de ampliar a xornada ás 17:30 para aquelas familias que o precisaran.
De igual maneira, ofrécese actividades extraescolares para as nenas e nenos como cociña, inglés, mecanografía e informática e a posta en marcha dun proxecto musicosocial novidoso “sinfónico no rural” coa creación dunha orquestra e a posibilidade de elixir especialidades como:violín, viola e cello (Cedidos pola Fundación Xesús Bal e Gay).
Asemade o colexio participa doutros proxectos de calidade como o Proxecto Voz Natura no que realízanse multitude de actividades dirixidas a traballar a educación e conciencia medioambiental entre o alumnado tan necesario nestes tempos de crise climática. Outro exemplo sería o Proxecto Plambe que vai destinado a pór en práctica medidas para o fomento lector e mellorar as competencias lectoras das nenas e nenos do colexio.
O proxecto Edixgal é un referente no que a Educación Dixital se refire, permitindo aos alumnos/as contar cun entorno virtual de aprendizaxe onde ter acceso aos contidos dixitais e as actividades expresamente elaboradas para o seu nivel.
O máis importante a sinalar é que a educación neste colexio é de gran calidade non tanto polos recursos que ofrece senón pola educación tan individualizada que pode ofrecer aos seus alumnos e alumnas. Os/as docentes docentes parten de materiais específicos para cada curso pero o apoio para adaptar a materia ao ritmo dos nenos/a só é posible se partimos dun marco educativo como o que ofrece o Colexio de San Cosme.
A calidade dun colexio non se pode medir polo rápido que se imparten os coñecementos ou pola celeridade no que os seus alumnos aprenden a ler, a calidade mídese no grao de adaptación que ten a educación a ese alumno e alumna en concreto e iso só se pode facer dende un centro como este.
Cada día observamos a necesidade dunha educación emocional nos nosos nenos e nenas e un crecente aumento de conflictos nas aulas pola masificación e a confluencia de factores externos que veñen ás aulas con eses nenos e nenas.
O marco dende o cal nos situamos permítenos afirmar que temos un porcentaxe de conflictos entre o alumnado baixo e casi inexistente debido ás relacións que se establecen entre o alumnado de todos os cursos. Aumentar a convivencia implica relacionarse e “facer grupo” non só cos compañeiros da túa aula senón tamén con aqueles doutros niveis educativos e isto é sen lugar a dúbidas é un dos aspectos que máis inflúen na ausencia de conflictos.
No colexio comparten clase nenos e nenas de diferentes niveis educativos que lonxe de empeorar a calidade da ensinanza fai que está sexa máis rica e diversa. O traballo por grupos cooperativos a creación de proxectos conxuntos e o apoio entre alumnos enriquece e dinamiza as aulas pola súa característica principal que é a heteroxeneidade de idades que nelas atopamos.
O nivel dos nenos e nenas que saen do colexio (entendendo como nivel de coñecementos teóricos adquiridos) é alto grazas ao ritmo que se pode levar nas clases e máis ao aprendizaxe individualizado na práctica diaria.
Este curso a nova directiva asume un reto máis que é dar a coñecer a realidade do colexio e o que pode aportar a tantas familias que buscan calidade, cercanía, comunicación e por riba de todo tranquilidade.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
