Barreiros, 15 de febreiro 2022. A alcaldesa de Barreiros, Ana Ermida, e o concelleiro de obras, Antonio Veiga, visitaron esta mañá as obras de asfaltado das últimas vías municipais que se están a realizar con cargo aos distintos plans do ano 2021. Nesa anualidade o investimento en arranxos de vías municipais superou os 215.000 euros, que se suman aos máis de 700.000 euros investidos desde o inicio do mandato actual.
“Somos conscientes das necesidades dunha rede viaria tan extensa coma a de Barreiros que require de atención continuada e de planificación de investimentos para evitar un deterioro como o que se atopaba no ano 2019”, explica Antonio Veiga.
Neste sentido, o Concello de Barreiros prevé executar no 2022 máis de 350.000 euros en investimentos na rede viaria municipal para mantela en estado óptimo e para garantir o acceso en condicións aos núcleos de poboación e vivendas.
Ata este momento intervíuse en viais na totalidade das parroquias do concello, tanto do interior coma da costa, con limpeza de cunetas dos mesmos, actuando nuns casos sobre o firme con doble tratamento superficial, recargo de grava e gravillón, corrección das deformacións existentes e aplicación de ligante ECR3 (rego asfáltico) e noutros casos con capa de mezcla asfáltica en quente de 5 cm de espesor (aglomerado).
A alcaldesa destacou que nestes tres anos de execución de orzamentos do novo goberno municipal, o investimento total en vías no municipio superará o millón de euros, sendo posible en moitas ocasións grazas á colaboración doutras administracións, como a Deputación de Lugo que mediante o plan único permite planificar estes traballos mediante cantidades fixas que se destinan a cada municipio.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
