Cervo, 22 febreiro de 2022. O concello de Cervo inicia os trámites para a creación dun novo aparcamento público no Conxunto Histórico e Artístico de Sargadelos.
Este novo lugar para estacionar os vehículos vaise situar nunha parcela de titularidade municipal, situada na parte traseira do antigo edificio da Carboeira.
O alcalde, Alfonso Villares, xunto coa tenente alcalde, Dolores García Caramés, e o concelleiro de Turismo, David Rodríguez, achegáronse ata a zona de actuación para explicarlle a Luis Peña, pedáneo de Sargadelos, os seguintes pasos que se van dar para a consecución deste novo espazo, que permitirá aumentar a afluencia de visitantes e facilitará o desenvolvemento dos negocios establecidos na localización.
A creación deste novo aparcamento, que estará rematado ao longo deste ano 2022, obedece á intención de mellorar a seguridade do vial principal que transcorre polo centro de emprendemento, diminuíndo o número de vehículos que ocupan esa estrada, sobre todo épocas de gran afluencia de visitantes.
O proxecto xa está listo para a súa licitación, logo do informe positivo por parte de Patrimonio.
Na actualidade, o Conxunto Histórico e Artístico de Sargadelos é un dos puntos con máis afluencia de visitantes. Dende a creación do centro de emprendemento, que nestes intres frecuentan 7 negocios artesáns, a localización veu incrementado o seu potencial turístico, sendo cada vez máis un punto de interese para os turistas ao longo de todo o ano.
O orzamento total desta execución ascende a un total de 67.589 euros, financiados na súa totalidade polas arcas municipais.
Alfonso Villares: “coa creación deste aparcamento público, pretendemos mellorar a seguridade do vial que transcorre polo Centro de Emprendemento de Sargadelos, desconxestionando a ocupación da vía por vehículos, sobre todo en épocas de gran afluencia de visitantes, como pode ser o verán”. “A liberación de tráfico desta estrada permitiranos, ademais, facer máis atractivo á vista este enclave, que é un dos puntos con maior valor turístico dentro do noso municipio” engadiu o rexedor.
O concelleiro de Turismo, David Rodríguez, apuntou que “falamos dunha importante actuación de cara a atracción de visitantes. Nos últimos anos esta localización atrae cada vez máis xente durante todo o ano, xa sexa polo seu encanto natural ou polo valor engadido que se proporcionou desde a creación do Centro de Emprendemento de Sargadelos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
