Santiago de Compostela, 8 de febreiro de 2022. O deputado do BNG, Luís Bará, a través dunha proposición non de lei acadou a unanimidade do Parlamento galego para “ condenar os graves casos de abusos sexuais a menores na Igrexa católica e amosar o apoio ás vítimas dos mesmos na súa demanda de verdade, xustiza e reparación”.
Ademais, o acordo inclúe: instar á Xunta a apoiar e colaborar coas investigacións que se leven a cabo no ámbito da Igrexa co fin de reparar o dano causado e a condenar aos responsábeis destes graves delitos, así como dar soporte e apoio ás vítimas, tanto no proceso de denuncia como no tratamento e superación dos danos e secuelas causados polos abusos que sufriron. A comisión de investigación, dixo, debe contra “con persoal especializado e medios”.
Na súa intervención, o nacionalista lembrou que o pasado mes de novembro do 2021, o xornal EL PAIS entregou ao Papa Francisco e á Conferencia Episcopal Española o dossier dunha grande investigación sobre pederastia na igrexa católica, con “251 novos casos e 1.271 vítimas”.
A este respecto, dixo, chama a atención a posición do Estado español en relación con outros países da contorna onde houbo investigacións independentes que deitaron luz sobre unha realidade durante moito tempo silenciada entre os que destacou Francia, que tras unha investigación independente confirmou os abusos de 216.000 menores dende o ano 1950 e 3.200 relixiosos pederastas.
A ausencia de informes e investigacións oficiais, explicou, é un baleiro que está a ser cuberto parcialmente polos medios de comunicación e o ámbito universitario. Neste sentido, aludiu ao estudo presentado en xuño de 2021, e publicado pola Sociedad Aranzadi (Abusos sexuales, menores e instituciones religiosas: respuestas restaurativas desde la investigación), na que un equipo da UOC, da Universidade de Barcelona e da Universidade do País Basco “botou luz sobre unha realidade silenciada”.
En Galiza, engadiu, un dos casos que se coñecen é o da Congregación dos Maristas, na que foron denunciados relixiosos de centros de Vigo, A Coruña, Lugo e Ourense: e segundo a investigación de EL PAÍS habería “13 maristas denunciados por abusos cometidos entre 1956 e 1980” ao que sumou os casos do colexio La Salle en Compostela.
Aínda que a Igrexa amosou a súa vontade de investigar as denuncias e crear oficinas de atención a vítimas, “a resposta é desigual entre os bispados e arcebispados e non satisfai as demandas das asociacións de vítimas que reclaman unha resposta integral desde a xerarquía católica”.
Por outra parte, no ámbito do Estado, a finais de xaneiro de 2022, a Fiscalía Xeral do Estado anunciou unha investigación solicitando ás 17 fiscalías xerais territoriais a remisión de todas as querelas e denuncias en tramitación sobre agresións e abusos sexuais a menores en calquera institución relixiosa. En paralelo, o Congreso deu luz verde a solicitude dunha comisión de investigación sobre casos de pederastia no seo da Igrexa católica.
Feixóo debe rectificar as súas palabras e poñerse ao lado das vítimas
Bará lembrou que o día 1 de xaneiro, o presidente da Xunta preguntado por esta cuestión, afirmou que que a investigación debe ser en todos os ámbitos en non só dentro da Igrexa católica. Para o deputado, con estas declaracións, Feixóo relativiza “a gravidade dos feitos” e non recoñece “o carácter especifico e de maneira sistemática e continuada dos abusos dentro da Igrexa católica” polo que pediu unha “inmediata rectificación” ao titular do Executivo. Feixóo dixo, debe “rectificar e poñerse ao lado das vítimas” que levan moito tempo reclamando das administracións públicas e da xerarquía católica unha resposta contundente para rematar co “silencio e a impunidade”.
A estas alturas, recalcou Bará, os abusos na Igrexa católica “non son casos illados” e urxe crear unha comisión de investigación para reparar ás vítimas.
O deputado agradeceu o apoio unánime á iniciativa do BNG e amosou a súa confianza sobre o seu cumprimento para “investigar os abusos a menores no ámbito da Igrexa católica”, co “persoal e medios necesarios”. O nacionalista indicou que durante moito tempo foi un tema tabú no que houbo “complicidade e encubrimento” e por iso hai que remover o pasado aínda que doa, “esa é a clave para que estes feitos non se repitan”, concluíu.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
