Isabel Rodríguez asiste en Mondoñedo aos actos do aniversario de Cunqueiro

A subdelegada do Goberno, Isabel Rodríguez, participou esta mañá nos actos celebrados en Mondoñedo con motivo do aniversario de Álvaro Cunqueiro. A subdelegada sumouse á homenaxe organizada polo Concello de Mondoñedo cadrando coa conmemoración do 41 cabodano do escritor mindoniense. Os actos comezaron no Cemiterio Vello, con unha ofrenda floral na tumba do escritor. No camposanto tamén se lle dedicou unha lembranza a Manuel Leiras Pulpeiro diante da súa tumba. Os actos continuaron no Auditorio municipal onde se proxectou un vídeo e se realizou unha lectura de textos de Cunqueiro.