Lugo, 23 de febreiro de 2022. O secretario xeral para o Deporte, José Ramón Lete Lasa, acompañado polo delegado da Xunta en Lugo, Javier Arias, mantivo un encontro con seis equipos da cidade de Lugo que recibiron material deportivo grazas ás dúas ordes de subvencións para a adquisición de equipamento deportivo resoltas en 2021 e que acadaron un orzamento total de 2,6 millóns de euros -700.000 euros na convocatoria ordinaria e 1,9 millóns de euros da convocatoria extraordinaria executada grazas aos Fondos de Consenso-. En total, as 89 entidades da provincia lucense que foron beneficiarias dalgunha destas liñas de axudas, adquiriron material deportivo por importe de 412.900,93 euros, cunha achega da Secretaría Xeral para o Deporte de 249.529,77 euros.
Máis en concreto, as entidades lucenses que participaron hoxe na recepción foron o Club Ciclista Cidade de Lugo que adquiriu bicicletas, rolos, baca e caixa de primeiros auxilios; o Club Deportivo Lucus Rally que se fixo con un remolque; o Club Piragüismo Cidade de Lugo que acadou embarcacións de competición; o Club Fluvial de Lugo, con embarcacións, pas e chalecos; así como o Judo Club LugoKan e o Club Deportivo Sagrado Corazón con cadansúa furgoneta. En total, o material deportivo que recibiu estes seis clubs está valorado en preto de 80.000 euros (78.7171,50 euros).
Cómpre salientar que estas axudas, ademais do material relativo á práctica deportiva desenvolta, tamén supoñen unha axuda na loita contra a pandemia xa que o material sanitario inclúe equipamento de seguridade e prevención inventariable no desenvolvemento da actividade deportiva oficial como consecuencia da COVID-19 (mamparas, sistemas de ventilación, sistemas de dispensadores de hidroxeles, sistemas de toma de temperatura, etc.).
Lete Lasa salientou que, no primeiro semestre do ano resolverase a nova orde de subvencións para a adquisición de equipamento deportivo deste exercicio cuxo prazo de solicitude rematou o pasado 7 de febreiro e que volve contar cun orzamento inicial de 700.000 euros. Cómpre sinalar que, os clubs deportivos galegos, sociedades anónimas deportivas e as federacións deportivas galegas poderán recibir o pagamento do 100% da subvención concedida de xeito anticipado, grazas á autorización do Consello da Xunta. O financiamento outorgado polo Goberno galego será do 80% do gasto subvencionable establecéndose como importe mínimo unha contía de 1.000 euros e máximo de 10.000 euros por entidade, equiparándose por vez primeira a máxima contía dos clubs coa das federacións. As entidades que recibiron axuda en 2021 poden volver recibir subvención na convocatorias de 2022. Non obstante as entidades que non recibiran subvención neste exercicio contarán con 20 puntos co obxectivo de achegar estas subvencións ao máximo de entidades posibles ao longo desta lexislatura.
Pola súa banda, o delegado territorial da Xunta en Lugo, Javier Arias, destacou a importancia que estas axudas teñen para manter o excelente nivel competitivo de moitos dos clubs lucenses. Ademais, sinalou que serven para contribuír a mellorar a súa infraestrutura de cara a incrementar as canteiras destes equipos e garantir a súa continuidade
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
