Lugo, 15 de febreiro de 2022. José Tomé Roca, candidato á Secretaría Xeral do PSdeG na provincia de Lugo, mantivo un encontro con representantes das organizacións sindicais para dar conta do seu proxecto. O socialista está a manter reunións para presentar a súa folla de ruta de forma previa ao Congreso do PSdeG na provincia de Lugo, que se celebra este vindeiro domingo, 20 de febreiro.
No encontro cos sindicatos, o socialista incidiu na importancia da política como unha ferramenta “ao servizo dos traballadores e traballadoras”. De feito, Tomé Roca fixo referencia aos seus inicios como sindicalista, antes de formar parte da política activa no PSdeG.
Ademais, Tomé Roca incidiu na continuidade deste contacto entre o partido socialista e os sindicatos. “O meu proxecto para o PSdeG estará sempre disposto ao diálogo e ao traballo conxunto coas forzas sociais”, finalizou.
“Buscamos impulsar a participación, non só dentro do PSdeG, tamén coa sociedade lucense, implicando aos axentes sociais, ao tecido produtivo e asociativo e coa cidadanía en xeral para ser un partido aínda máis útil á sociedade”, sinalou.
O candidato a liderar os socialistas na provincia compartiu cos sindicatos as súas liñas de acción para os próximos anos, entre as que destaca “un impulso ao emprego digno, de calidade e sostible, sobre todo no emprego rural, xuvenil e feminino”.
Tomé Roca tamén expuxo ante as forzas sindicais a súa preocupación por alcanzar unha igualdade social e laboral entre homes e mulleres, así como a defensa do rural para asentar poboación como unha prioridade absoluta.
“Debemos tamén apoiar aos sectores produtivos estratéxicos da provincia: o gandeiro, o forestal, o do mar, o turismo ou a cultura, para o que debemos aproveitar os fondos europeos”, engadiu o socialista.
Nesta mesma liña, o socialista incidiu na importancia de “defender o Estado de Benestar, garantindo a sanidade, a educación, as pensións e a dependencia”. Como exemplo, Tomé Roca falou das residencias impulsadas pola Deputación de Lugo, “que garante o benestar do usuarios e o emprego no rural”.
O socialista incidiu tamén na necesidade “dun plan industrial para a provincia de Lugo e para A Mariña, ademais de infraestruturas que nos permitan ser máis competitivos”. Tamén subliñou a importancia da innovación, “ligada á Universidade pública, que nos permitirá desenvolver o tecido produtivo e o rural”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
