Cervo/Ribadeo, 1 de febreiro de 2022. José Tomé Roca continuou este martes en Cervo e Ribadeo a iniciativa Camiñamos Xuntos, a través da que o candidato á Secretaría Xeral do PSdeG na provincia visitará todas as comarcas de Lugo de cara a preparar o próximo Congreso Provincial, previsto para o 20 de febreiro.
Tomé Roca quere aproveitar estas semanas previas ao IV Congreso Provincial para mostrar o seu proxecto aos militantes e recoller as súas aportacións.
“É certo que non hai primarias, e polo tanto, non é necesaria unha campaña de información como tal, pero eu quixen facer estes encontros coa militancia porque quero estar cerca dos compañeiros e compañeiras das distintas agrupacións da provincia e porque o esencial destes procesos é compartir as nosas ideas coas bases do partido”, sinala o socialista. “Quero ir velos e, ó mesmo tempo, escoitalos, saber cales son as súas necesidades e preocupacións e, con todo iso, tratar de acertar no fortalecemento e no novo impulso que temos que darlle ó partido”, engadiu.
A militancia de toda a provincia estará convocada aos distintos encontros durante esta semana e a próxima.
Deste modo, esta semana dáse continuidade á iniciativa Camiñamos Xuntos, tras o primeiro encontro da pasada semana en Chantada e en Monforte de Lemos, onde Tomé Roca intercambiou sensacións cos militantes de ditas comarcas.
Esta tarde, Tomé Roca acompañou aos militantes de Burela, Cervo e Xove, nun encontro na sede do PSdeG no municipio cervense. A continuación, acudiu á sede socialista en Ribadeo, onde estivo cos militantes do municipio, así como cos compañeiros e compañeiras de Barreiros, A Pontenova e Trabada.
O candidato á Secretaría Xeral do PSdeG na provincia insistiu na necesidade de “sumar e camiñar xuntos, construíndo un proxecto dende as bases do partido, contando con todos os militantes”.
Neste sentido, Tomé Roca fixo hoxe fincapé na importancia dun partido “forte, unido e integrador” para “consolidar e mellorar os
“Os socialistas gobernamos para o 65% da poboación lucense, ademais de na Deputación. Isto supón 27 alcaldes e alcaldesas traballando para á cidadanía”, explicou o socialista.
Tras os encontros de hoxe, Tomé Roca visitará este xoves Foz e Viveiro, mentres que o venres estará en Lugo. Na fin de semana manterá encontros coa militancia en Becerreá, Sarria e Vilalba e a vindeira semana, na Fonsagrada e en Pol.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
